阿媽教落「人搖福薄，樹搖葉落」，一個人如果經常都不自覺地搖嚟搖去，好易搖走晒啲福氣。雖然唔知係咪真有其事，但搖嚟搖去真係有礙觀瞻。
以下介紹呢段短片裏頭嘅聰明媽媽，為咗教訓個仔，竟然諗到利用囝囝嘅缺點嚟幫自己減肥收腰，認真有諗頭！
見到文仔又再搖身搖勢嘅文媽，突然拎出一條長長嘅皮帶出嚟，然後套喺文仔頭上。莫非佢覺得教極文仔都唔聽，於是使出非常手段嚟教訓佢?但教還教，體罰始終係唔啱喎！
文仔有個壞習慣，就係無論企喺度、坐喺度或瞓喺度，佢都鍾意搖嚟搖去。雖然文媽教訓過佢好多次，但文仔依然故我，一啲都冇改善過呢種習慣，睇到文媽眼火爆之餘，仲諗計點樣糾正佢。
原來文媽並非體罰文仔，而係利用文仔鍾意搖嚟搖去嘅惡習，將條皮帶套喺佢嘅頭上，然後再圈住自己個肚腩，將佢變成另類減肥腰帶！呢招既可減肥，又可提示文仔唔好搖，果然有諗頭！
阿豪