宏仔話：「早兩日我約埋一班朋友去深圳玩樂，已經開始見到往日人頭湧湧嘅情況。而聽朋友講，東莞一帶嘅情況亦差不多，唔單只桑拿場同K場大部分都如常營業，聽講仲有唔少新場準備開張，相信以往歌舞昇平嘅日子好快就重現喇！另外，朋友亦收到風，東莞嘅桑拿場仲再次推出透視裝選技師玩意，雖然呢個玩法唔係新鮮，但係就顯示出，上兩三個月嘅緊張情況已經放緩。不過，該桑拿場嘅經理就話，呢種玩法大膽還大膽，但係只提供畀熟客，以免過於高調。講番深圳，雖然當晚我哋一班朋友總算喺布滿索女嘅髮廊街搵到心頭好，不過，就目擊到一樁不愉快事件。當晚一個港人帶咗個髮廊妹上房之後，可能因為之前嘅溝通有問題，所以同髮廊妹為肉金發生爭拗，之後髮廊妹仲叫埋雞頭及一班大漢到場，最後差啲發生流血事件，幸好嗰個港人都知驚，於是自動自覺雙手奉上肉金再加一百蚊了事。其實，大家玩還玩，問清價錢都係好重要，遇到有咩問題，最好都係息事寧人，話晒都係人哋地頭，無謂搞出意外啦！」

賢