負擔太重

中氣十足嘅男人講句說話都特別有說服力，亦特別容易受到女性注意。相反，講說話陰聲細氣，分分鐘畀人以為佢性取向有異，日本嘅極品水着女優次原加奈就表示，自己一樣要夠氣，乜女仔講說話細細聲唔係最吸引男士垂青咩？

加奈話：「講說話細細聲其實可以靠自己扮出嚟，但係唔夠氣對於我嚟講就好大件事喇！大家睇吓，我個胸有成35G咁巨型，雖然我都因為佢覺得自豪，但係就令細細粒嘅我感到負擔非常重喇！平常我仰睡都會覺得其重量令我呼吸唔得順暢㗎！而且，做水着女優，拍寫真集好多時都要因應攝影師嘅要求爬高爬低，甚至走上峻峭嘅大石上擺姿勢，我曾經試過爬到上去之後要抖成十分鐘先回到氣，然後先可以拍寫真，搞到一眾工作人員有所微言，令我覺得非常唔好意思。」

幾乎缺氧

次原妹又講得幾啱，睇佢對巨乳咁大，相信男人都會覺得係一種巨大重擔，好難怪佢會搞到唔夠氣。另一位同樣身材驕人，擁有34E上圍嘅川村由紀就表示，自己以前亦經常面對過好多唔夠氣嘅情況，搞出好多尷尬事。

由紀話：「我同加奈佢一樣，曾經試過拍寫真嘅時候搞到唔夠氣，不過我就唔係要爬石，而係要影一個充滿動態嘅畫面，需要我由街頭跑到街尾，等攝影師從中捕捉我雙峰上下起伏嘅美妙畫面。大家都知啦！要影得靚一定要影多幾次先得，所以我來來回回跑咗至少十次，真係令我幾乎跑到缺氧呀！另外，唔夠氣，同男友床戰嘅時候亦非常之唔方便。我屬於主動又狂野嘅女仔，同時知道主動招呼男友可以令佢覺得非常舒暢，所以床戰嘅時候都會採取主攻，但係一唔夠氣就搞到體力不繼，玩一陣就要抖一抖，自己都覺得失敗呀！」

落力練氣

難得由紀咁為男友嘅幸福着想，真係令人羨慕佢男友！不過，唔知佢同加奈又有冇方法可以改善唔夠氣嘅情況呢？加奈話：「梗係有啦！幾年前，我欣賞到世界杯嘅南韓隊表現極佳，球員跑來跑去都好似唔使抖咁，我就認為佢哋嘅高麗參應該居功至偉！所以平常都有飲高麗參茶，家陣已經相當夠氣！」

由紀妹你又有冇學加奈咁飲高麗參茶補氣呀？由紀話：「我本身唔係咁鍾意人參嘅苦味，所以冇學加奈。不過，我就會努力做運動練氣，一來可以強身健體，二來又可以修身。當然，我努力做嘅運動梗係唔單止係健身、游水、跑步啦！我仲捉埋男友一齊做多啲床上運動㗎！」

川村由紀 小檔案

年齡：23歲

身高：5呎1吋

三圍：34E、24、34

次原加奈 小檔案

年齡：25歲

身高：5呎1吋

三圍：35G、24、35

撰文：祖