親自設計

依家嘅情趣玩具，好似按摩器、震蛋、像真玩具等，都以糅合人體工學為賣點，希望以貼身及舒適嚟吸引買家。不過所謂賣點，又點及得上由四仔女星親自設計嘅情趣玩具咁有噱頭呢？好似呢間位於美國鹽湖城嘅情趣用品店，裏面就專賣由四仔女星按照自己嘅體質、需要及經驗，設計而成嘅各種情趣玩具，不但吸引四仔迷慕名而至，更吸引女士們幫襯。

對於咁受男女用家歡迎，前四仔女星Joan認為，咁係同四仔女星嘅號召力有關。Joan解釋：「講到床上經驗及名氣，相信冇人及得上四仔女星。由於我哋性經驗豐富關係，故此深明男女性嘅敏感帶所在，及點樣有效提高快感嘅方法，亦因此由四仔女星設計嘅情趣玩具，不但好睇，更具有實際效用。」

現場示範

店內除咗放有三十多個由四仔女星設計而成嘅情趣玩具外，Joan更搵嚟一啲已經退出四仔界嘅前女星做店員。此外，為咗能夠讓客人體驗呢啲情趣玩具嘅效能，Joan經常喺店內安排情趣用品試用會，讓有興趣嘅男女顧客，能夠親身體驗玩具過人之處，順道能讓四仔迷同四仔女星們嚟個近距離接觸。

曾經去過呢間情趣用品店嘅Vicky就話：「起初以為佢只係擺賣四仔女星所設計嘅玩具，點知入到去，卻發現老闆及店員都係四仔女星，而最令我噴血嘅係佢哋性感嘅扮相，尤其係睇到佢哋親自示範使用情趣用品時，更係令我血脈沸騰，只可惜冇機會一親香澤。」

貼身享受

講到玩具嘅性能，Vicky更係讚不絕口。Vicky表示：「以前都買過唔同牌子嘅情趣玩具畀女友們玩，但得番嚟嘅意見卻係負面居多，例如尺寸大小唔合心水、質料過硬或過軟、震動力唔夠等。不過自從用咗呢度賣嘅情趣用品後，女友們卻相當受落。試完時不但高潮迭起，更睇到我血脈沸騰，性生活變得多姿多采。」

不過想去呢間店購物，第一件事就係要先成為會員，否則唔使旨意入內。入會費為每年一百美元，約為七百五十港元。入會費雖然唔貴，但如果你想睇到四仔女星嘅現場表演嘅話，則要每場收費兩百美元，折合約為一千五百港元，計落一啲都唔平！

撰文：小德