勤力收腰

日本水着寫真雖然唔會有露點畫面出現，但係鏡頭捕捉一流，再加靚絕美景，以及身材好又嬌俏嘅水着女優，所以吸引力絕對唔比啲鹹書低。不過，點解咁多日本女優都可以咁好身材呢？近年人氣高企嘅森下悠里就有獨特見解。

悠里話：「雖然我唔認為胸大一定係最靚，但係無可否認，男人第一眼欣賞女優，一定從胸部睇先。其實，好多女優個胸並唔係想像中咁大，而為咗吸引男人，佢哋都會出盡法寶，不過就絕少會隆胸，因為家陣男士們都好精明，一望就可以分得出真波同假波。而要令個胸睇落更大，盡方法收腰係其中一個方法，因為條腰幼咗之後，同上圍一作對比，差距較大，自然令上圍睇落更為激凸喇！我現時腰圍得21吋半，所以就襯得我對G奶特別勁喇！」

細碼胸圍

收腰即係要減肥，但係減肥又好難避免會令個胸都細埋，而悠里能夠收腰之餘仲保持到個胸咁勁，相信佢除咗天賦異稟之外，都唔會再有其他解釋喇！

另一位水着女優，同樣擁有一對G奶嘅福永千奈就話：「要令個胸睇落更加豐滿，其實仲有另一個方法架！」千奈繼續話：「其實，女仔雙峰大部分都係脂肪，質感較為柔軟，而且極具可塑性，所以，好多女仔想個胸睇落更大，都會買集中型胸圍，如果想效果更勁，仲會加多幾個胸墊添！不過，對於我嚟講，個胸已經有G-cup咁勁，胸墊就唔使用喇！但係我就會專買比自己尺碼細至少兩個碼嘅胸圍，因為戴咗之後，胸部嘅肉就會擠晒出嚟，行路嘅時候，呢啲肉仲會搖搖晃晃，感覺真係澎湃好多架！」

臂不離胸

千奈你個胸咁大，若然配戴細碼胸圍，好容易搞到自己透唔到氣喎！而且對於好多胸部仲係發育當中嘅少女可能有負面影響喎！森下悠里又話：「如果覺得唔舒服，就梗係要除咗佢啦！應該唔會有人透唔到氣都仲會戴住啩！當然，我仲有另一個方法介紹嚟頂檔啦！呢個方法就係平時對手臂要貼實波邊喇！當然，用呢個方法嘅時候，大家要着住件低胸裝，咁先可以突出效果。頭先都提過，胸部大部分都係柔軟嘅脂肪，只要有東西承托就可以塑造出誘人嘅乳溝。所以，大家着低胸裝嘅時候，一對手臂往內夾住，好自然就會擠出向前面，繼而擠出一條乳溝，吸引到男人喪架喇！」

森下悠里小檔案

年齡：24歲

身高：5呎2吋

三圍：36G、21.5、35

福永千奈小檔案

年齡：28歲

身高：5呎1吋

三圍：36G、22、33

撰文：賢