近日刮王頻頻去夜場探班，就經常見到好多小姐都非常之得閒，佢哋既然咁得閒，最好就當然係成班姊妹齊齊吹水，交流一下經驗。而當日嘅話題，竟然係遇到難搞嘅客人。所講嘅，當然係又麻煩而又可能會對佢哋有危險嘅客人啦！佢哋話好多客人經常飲到爛泥咁上房，其中一位阿Ken就話，佢試過有客人入房嘅時候醉晒，入到房之後攬到佢實但係又唔畀佢走，最大鑊嘅係呢位客人喺床上面大小便，佢覺得事情唔妥當，但係又唔可以得罪客人，咁佢就即時打電話畀其中一位姊妹過去救命，呢位救命姊妹就醒目啦，一打開門就話要清潔房間，客人見有人要打掃，佢又醉到唔清唔楚，所以就鬆開小姐，之後就成個人瞓着咗。
小姐們話佢哋開工其實好多時都有危險，但係明知客人有問題，佢哋喺唔可以得罪客人嘅大前提下，好多時候都要硬着頭皮同佢入房，但係如果其中一位小姐發現有呢個問題，佢哋都會即時提醒大家，記住呢個小姐幾點入房，如果真係太耐唔出嚟，佢哋都會用盡任何方法，例如打電話入房、扮入房掃地等藉口入房，幾位小姐傾到呢個話題，確實係傾到眉飛色舞，佢哋話可以「營救」一位姊妹，就好似救人一命咁開心。
刮王