尋幽探秘

以前玩家去新地方尋春，方法只得兩個，一個就上網睇其他玩家介紹，一個就係睇吓有冇朋友去過。不過依家有第三種方法，就係搵當地嘅伴遊幫手。原來近年內地出現咗一種另類伴遊，除咗保留以前伴遊服務外，仲會帶客人去搵平靚正嘅夜場嬉戲。

曾經搵過伴遊帶路嘅玩家祥哥就話：「我同幾個朋友經常到深圳、廣州等地玩，但玩得多都想試吓新地方，好似安徽、武漢、成都等地方，嚟個長途色慾之旅，但身邊又冇朋友識路，結果只係得個諗字。最近有老友介紹，話如果想到其他地方尋幽探秘嘅話，可以試吓搵當地嘅伴遊。於是我就跟從老友嘅介紹，上一個伴遊網站度睇睇。」起初祥哥以為呢啲只係一般嘅色慾伴遊，點知睇真啲後，卻發覺絕非一般！

熱情如火

據祥哥表示，伴遊網站內所介紹嘅服務內容，都係話帶玩家遊玩當地名勝古蹟，但吸引祥哥嘅，卻係佢哋所推介嘅「導玩服務」。原來所謂「導玩服務」，就係由伴遊帶玩家到當地著名嘅夜場玩樂，伴遊會根據玩家嘅喜好，帶佢哋去夜總會、桑拿、水療等地方攬女曳曳。祥哥見到咁特別，又滿足到朋友們嘅需要，於是就同佢哋預訂伴遊服務，仲揀定個靚女伴遊帶路。

祥哥回憶道：「我哋一行五人去到目的地後，靚女伴遊就嚟酒店接我哋去玩。老實講，去邊度玩唔緊要，因為伴遊實在誘人。樣靚身材正之餘，仲相當熱情，攬腰、拖手，甚至啜嘴影相都冇問題，玩得不知幾咁開心！」到夜晚，伴遊小姐就問佢哋想去邊度玩，眾人就話去KTV，而伴遊就帶佢哋去到一間超豪華嘅KTV玩樂。

折扣優惠

KTV玩法雖然同其他地方差唔多，但勝在環境富麗堂皇之餘，小姐質素亦相當高，大家都玩得不亦樂乎，洋酒都開咗幾支。玩到酒酣耳熱，祥哥等人便決定埋單走人，點知見到張單成五千幾蚊，相當乸脷！祥哥笑道：「呢個時候伴遊小姐就話佢可以要到特價，然後就拎咗張單出去。轉個頭返嚟，就話大家只需要畀兩千就得，認真幫到手！」

不過最讓祥哥興奮嘅，卻係當佢返酒店時，伴遊同佢講可以陪佢過夜，而收費只係多加兩百蚊，加埋全日四百蚊嘅伴遊服務，祥哥覺得相當超值，於是便點頭答應。祥哥認為呢種服務既可帶玩家試新地方，又唔怕會唔啱玩獨守酒店房，服務相當貼心。

撰文：阿豪