志在必得型

我哋搵嚟成人網站嘅主編仲間先生嚟講解一下調查結果，仲間話：「其實囡囡入行主要分成三大類，第一就係有心入行，第二就係無厘頭入行，第三就係有意冇意之間入行。」咁嘅答案，真係乜都畀佢講晒。

仲間當聽唔到繼續解釋：「有心入行，係指佢哋處心積慮要入行，其中最經典就係已故AV女神飯島愛，佢就話明自己係為咗搵錢至入行，之後唔少後輩都唔怕醜，直言話想搵快錢或者爭人街數，所以要入行。另外，仲有唔少係為咗入娛樂圈，呢啲女優都佔好大嘅比例，仲有一啲相反嘅，就係喺演藝圈打滾多年嘅女星，一直冇聲冇氣，於是絕地反擊，毅然三點盡露投身AV界，呢啲亦係存心入行嘅原因。」

無厘頭入行

仲間話：「第二類就係無厘頭入行，啲囡囡喺訪問時，講咗啲奇奇怪怪嘅原因，所以就撥入呢度，例如北島玲入行時就話希望喺性愛上挑戰自己嘅極限，認真豪情壯語，相信引退時一定滿足到佢嘅願望。」

另一個幾搞笑嘅就係羽田夕夏，佢話自己好想做導演，但唔知點做，於是就寄信去AV電影公司自薦，點知電影公司一見佢胸部發達，叫佢做演員好過啦，於是第一時間簽咗佢，但羽田冇放棄，仲話決定邊拍邊學喎。

仲間話：「仲有好多囡囡諗住搵嘢做，但又唔知自己做乜好？咁啱就畀星探或者朋友游說，就入行做女優，代表人物就係稻森詩識。另外，為咗男朋友嘅理想而入行嘅女優，松島楓就係代表人物。」

半推半就型

第三種就係有意冇意咁入行，仲間話：「啲囡囡入行，有時真係唔到你唔佩服啲星探嘅口才，好似當紅女星吉崎直緒，當日就係喺街頭畀星探發掘，吉崎喺無法拒絕之下，咁就入咗行。」

另外日本有大批水着妹，佢哋專拍性感硬照謀生，有啲嘅大膽程度，已經同拍AV差唔多，當佢哋大紅大紫時，經理人公司當然當佢神咁拜，但一失勢，公司就會賣佢哋去拍AV，囡囡於是半推半就咁入行。

有朋友會問，有冇囡囡係畀人呃嚟拍AV嘅呢？據仲間話：「所有訪問當中，冇女優講過係唔自願或者被迫嘅。」無論乜嘢原因都好，正所謂各有前因，只要最終可以搵到自己嘅需要，係點入行又有乜所謂吖？

撰文：小德