借題發揮

現今男女性態度開放，但要裸體去蒲就未有咁大膽，而美國有一間夜店，最近就借「人體彩繪節」做賣點，歡迎一眾人體彩繪愛好者以及有興趣人士參加，據講大部分收益更會捐作慈善用途，幫助貧苦大眾，其實邊有咁好死，有彩繪同好者就表示，夜場只不過係借題宣傳，吸引更多人入場，姑勿論誰是誰非，總之我哋有好戲睇就夠啦！

夜場為隆重其事，晨早已透過雜誌及夜遊交友網站大事宣傳，參加方法非常簡單，囡囡只要入場後到更衣室，就有專人替你彩繪，然後就赤裸裸走入夜場玩。當然，假如你依然怕醜，絕對有權要求着胸圍底褲，之不過樣衰得多囉！而男士仲方便，只要赤裸上身，喺門外就有人幫你搞，想「局部」甚至全身就悉隨尊便，最緊要係你夠薑！

肌膚互磨

一切準備就緒，就可以入場玩個痛快，同一般派對無異，蒲友都係喺舞池飲酒跳舞，但心態上就好大分別，事關現場等同「天體派對」，你眼望我眼，互相留意你件「衫」有幾「特別」！作為男人當然最着數，除咗可以攞正牌喪睇之外，喺舞池中更可以肆無忌憚抽水，以往就話有背心短裙隔住，家陣互相肌膚接觸，想唔興奮都難啦！不過又唔好諗到咁心邪，現場的確有彩繪同好者，好讓大家有個平台交流，況且，男人出現生理反應，無遮無掩硬晒軚，又真係好惡搞嘅！

免費人繪

為咗令一眾門外漢能體驗人體彩繪箇中樂趣，大會特別將這個彩繪環節分為比賽及同樂兩個部分，喺比賽當日，參加者可以觀看一眾人體彩繪藝術工作者，在模特兒身上盡情發揮其創意以及高超畫技，競逐冠軍寶座。

而同樂日中，大會將會安排一班資深人體彩繪師在場內擺設攤位，為一眾參加者即席繪畫。只要你夠膽裸露身體，彩繪師便會免費幫你繪畫別出心裁的彩繪圖案。

此外，在晚上大會更安排一個彩繪派對，歡迎一眾喜愛扮鬼扮馬的人士入場參加，從派對相片中所見，大部分參加者都玩得極度投入，忘我地盡情跳舞，絲毫不會對裸露身體感到尷尬，若然大家都有興趣參加，記得要留意喇！

撰文：祖