最愛海水味

呢兩個囡囡分別係嚟自波士頓嘅祖兒赫蒂（Joey Hart），同埋嚟自羅馬尼亞嘅愛曼妞天妮（Emanuel Tilly），佢哋都係近年冒起得最快嘅脫星，無他嘅，兩個囡囡年輕貌美，夠姣夠放，所以深得觀眾們嘅歡迎。

除此之外，兩個囡囡仲有個共通點，就係對食生蠔十分熱衷，我哋先問問今年24歲嘅祖兒赫蒂，睇吓佢點解咁鍾意食生蠔，祖兒話：「我自細就好喜歡食生蠔，貪佢有陣海水嘅味道，食完令人好舒服。」

又會鍾意陣海水味都有嘅，有人話食蠔會增加性能力，唔知祖兒又點睇呢？佢話：「我都有睇過啲書介紹過，話食咗生蠔可以增加性能力，但對於我呢啲一食就食咁多隻嘅人嚟講，就算點補都會冇晒反應。」

搵靚仔陪食

咁有冇叫埋男朋友一齊食呢？祖兒話：「唔好提啦，有啲男朋友未吞就話已經想嘔，有啲受得嘅男仔就想同我鬥食得多，最後搞到胃腸炎，總之就問題多多啦，所以食生蠔都係一個人咁慢慢享受最正。」

乜唔係同男朋友一齊分享最好嘅咩？食完仲有人埋單！我哋又問吓另一位靚女愛曼妞天妮，點解咁鍾意食生蠔，佢話：「自己細個從未食過生蠔，就算到咗美國，我都未有機會食過，生蠔係點樣都唔知。」

愛曼妞話：「直至入咗行，有啲名氣，識咗個專業靚仔，有晚佢請我去高級餐廳食飯，我至第一次食生蠔，發覺非常好味，一食就食咗兩打，跟住連其他嘢都唔使食，由於食得好開心，之後仲開房盡興添！」

暗示有下文

自此之後，愛曼妞就愛上食生蠔，由於食親都食兩三打，而且唔靚唔食，所以價錢都幾貴，為免自己破費，於是諗到條好橋，佢話：「我一想食生蠔，就會搵個男朋友出嚟，一齊去高級餐廳食個痛快。」

咁會唔會學祖兒一樣，啲男朋友唔夠你嚟，食到腸胃炎呢？愛曼妞話：「所以為免佢哋食到病，我哋事前都會訂定酒店，暗示會有下文，咁啲男仔咪唔會咁搏命囉，要搏都留番夜啲至搏命啦！」

咁咪大把男仔爭住請愛曼妞食蠔囉？佢話：「一個星期總有三四晚，好彩唔係個個都要有下文，唔係就晚晚都冇得瞓啦。」但有高級生蠔食，晚晚捱眼瞓都抵啦，何況仲有靚仔相陪，乜都賺晒啦！

撰文：小德