遇上老千
呢兩個囡囡都係嚟自澳門×龍夜總會嘅靚女公關，一個係19歲嘅Yico，紮起個髻仔，瓜子口臉，身材好到爆晒燈，而另一個就係18歲嘅珊珊，留有一頭長曲髮，圓圓口臉，但笑容親切，說話時陰聲細氣，十分銷魂。
我哋先問問Yico點解咁唔想做車主？佢話：「家陣做車主真係擔驚受怕，特別係喺老家，我聽過有啲衰人，專偷車牌嚟勒索車主，車主怕去報失浪費時間，於是接受要脅，每次要畀幾千蚊至攞得番個牌。」
套用官方口脗，呢啲都係個別事件啫 ！點知Yico又話：「除此之外，仲有啲衰人會專登衝出馬路畀你撞到，然後再屈你醫藥費，如果唔畀，旁邊嘅拍檔就會出嚟，喊打喊殺，有啲仲連架車都搶走埋添。」
搵男人陪
講到咁恐怖，咁以後咪連車都唔敢坐？Yico話：「咁又唔使，我剛才講嘅全部都係屈啲女車主嘅故事，男人揸車出街，啲衰人一般都唔會咁大膽，所以出街搵個男仔車我，又使乜自己揸車咁辛苦呢？」
又講得啱喎！何況Yico咁靚女，要搵車主男朋友，一啲都唔係問題啦。咁珊珊又點解唔想做車主呢？珊珊話：「我以前個初戀男朋友，好喜歡開快車，點知後嚟發生意外，搞到瞓咗喺醫院。」
乜咁唔小心呀？珊珊話：「唔只咁呀！由於佢冇人冇物，佢嘅醫藥費全部由我畀晒，搞到父母同我都反晒面，但為咗初戀情人都無所謂，點知由於佢發生意外時，仲撞爛好多嘢同撞傷幾個人，全部都要賠償。」
最怕車震
咁咪好大筆數？珊珊話：「於是當年要打幾份工嚟還債，不知幾咁辛苦，但心裏面覺得再辛苦都唔怕，只希望佢快啲好番，點知佢好番之後就同我分手，搞到我人財兩失，所以家陣邊個一提起車我都怕怕。」
咁將來嫁個好老公，畀架車你揸呢？珊珊話：「嫁得好老公有車畀我用，自然會搵埋個司機畀我啦，又使乜自己揸咁辛苦呢！」咁家陣仲會唔會坐男朋友嘅車呢？珊珊話：「都會嘅，但一定要佢唔好開快車。」
珊珊仲有個要求：「另外，唔好夜晚揸車去郊外。」點解呀？珊珊話：「啲男仔半夜三更車你去郊外，一定想車震，偶爾一次都冇所謂，晚晚都去就唔好啦。」原來係咁，大家記住啦，一個星期一兩晚好啦！
撰文：小德
攝影：賓