低腰潮流

老實講，低腰褲真係幾蝦人着，如果身材唔夠苗條，條腰唔夠纖幼嘅話，露出成條車胎，真係乜嘢分都扣晒！不過水着女優山崎妹同仲村妹就唔同，佢哋唔單止樣靚身材正，而一條水蛇腰更係吸引，着住條低腰褲走喺街上確實誘人。山崎妹笑道：「其實我身邊好多姊妹都鍾意着低腰褲，因為我哋覺得低腰褲夠性感，着得又舒服，因此我屋企好多低腰褲。」

另一位靚女女優仲村妹笑道：「我都鍾意着低腰褲，而為咗可以凸顯低腰褲嘅魅力，我更買咗大量唔同款式嘅丁字褲嚟襯。事關萬一露出美股時，見到條老土底褲，就認真肉酸！更何況一條性感丁字褲，可以引起男士們無窮嘅幻想，實在係唔可以缺少。」

性感誘人

正如仲村妹話齋，丁字褲下露出半個美股，又真係幾迷人！不過，會唔會覺得有啲暴露呢？山崎妹笑道：「呢啲叫做性感，一啲都唔暴露。因為我自問臀部曲線優美，而低腰褲正好可以突出我嘅臀部曲線，不但可以吸引男士們嘅目光，更能讓凸顯自己嘅魅力。見到一班男士望到眼定定，真係好有滿足感。」

仲村妹亦同意道：「我哋又唔係成個臀部露出嚟，最多只係露半個月亮出嚟，咁又點算暴露呢？此外，我哋所揀選嘅低腰褲，剪裁亦非常貼身，正好可以體現出我哋完美嘅體態。話個秘密你知，有時見到型男時，我哋會專登彎腰，從而引起對方嘅注意，通常都可以成功引佢埋身。」

誘人埋身

難怪兩位靚女都鍾情低腰褲，原來佢有咁嘅功用！仲村妹解釋：「其實我哋都有啲自知之明，因為講上圍嘅話，我哋唔算好突出。如果夾硬着低胸衫嘅話，反而唔夠一啲上圍激凸嘅靚女爭。為咗吸引心儀男士嘅目光，我哋便利用美股嘅天賦本錢，吸引對方嘅注意，咁就可以突圍而出。」

山崎妹面紅道：「其實呢個都係我鍾意着低腰褲嘅其中一個原因。我以前都唔係咁鍾意着低腰褲，事關我個人好論盡，有時唔記得扯高條褲，搞到條褲差啲跌咗落嚟。不過有次發現，咁樣容易吸引男士們嘅注意，從此我便利用低腰褲作為突出自己，同埋溝仔嘅手段。」有個露半股嘅索女喺面前出現時，又真係幾吸引！

撰文：阿豪