便宜莫貪

唔少女性心目中，內衣確實佔有非常重要嘅地位，如果選擇錯誤，隨時搞到身形走樣，甚至影響健康，所以喺選擇內衣嘅時候，真係唔可以馬虎。剛滿十八歲嘅水着妹多田瑞穗，雖然年紀輕輕，但對內衣已經相當有研究。

佢話：「可能我比較早熟，所以一直以嚟都非常注重內衣嘅選擇。我覺得內衣除咗可以保持女性嘅身形優美之外，對增加個人魅力亦好有幫助架！所以喺買內衣嗰陣，絕對唔會隨便揀啲十零廿蚊嘅廉價貨，事關呢啲平嘢毫無保證，以前試過喺街邊買咗幾個廉價胸圍，返到屋企試戴先知啲鋼線位有問題，感覺非常唔舒服，而且質素非常差，有啲胸圍嘅釦一扯就爛，有啲就係清洗一次即變形，真係谷鬼氣！」瑞穗妹仲話，從此以後都唔會貪便宜，買胸圍定會幫襯一啲有信譽保證嘅店舖。

工作需要

站喺男士嘅角度嚟講，當女人着上唔同款式嘅內衣時，都能表現出唔同嘅美感，例如黑色喱士內衣代表神秘、誘惑，而純白色內衣則有一種純潔、天真無邪嘅感覺。就算女仔樣貌只屬一般，當着上一套性感又稱身嘅內衣時，個人魅力都會大為提升，甚至比赤裸身體更能提升男人嘅性慾。

由於唔同款式嘅內衣能夠產生唔同嘅視覺效果，所以部分女性都會花唔少金錢添置內衣，好似另一位索女松下美保就係其中一個例子。美保話：「除咗泳衣，我間中仲會拍攝內衣寫真，由於公司提供嘅內衣好多都唔太稱身，而且唔係我鍾意嘅款式，所以我間中會要求導演讓我出動私伙內衣。此外，為咗迎合唔同觀眾口味，我不得不定期入貨，每次閒閒哋買二、三十套內衣，方便隨時替換，以及應付唔同演出活動嘅需要。」美保又話，部分名牌內衣價錢達數萬日圓，雖然相當昂貴，但想到對自己事業有幫助，就算犧牲少少仍覺值得。

視覺享受

美保因為工作需要先喪買內衣，但瑞穗就話係為咗男友，點解呢？佢解釋：「我覺得男人係貪新鮮嘅動物，尤其對性方面，做法永遠一成不變，就會令性愛變得公式化，而且毫無樂趣，有可能對性愛生厭，甚至會以性生活沉悶為藉口，乘機出外偷食。為免發生類似情況，除咗需要喺曳曳時，多嘗試唔同嘅玩法同招式，更需要唔同款式內衣去刺激男士嘅視覺神經，舉個例，當女性着上一條有公仔圖案嘅小內褲，男友睇見會覺得女方零舍活潑可愛，好想即刻將對方一擁入懷；如着上一條黑色嘅丁字褲，讓男友清楚睇見整個美臀嘅形狀，呢種極度誘惑能夠輕易令佢提升慾火。」

松下美保小檔案

出生日期：1991年8月24日

身　　高：5呎4吋

血　　型：A型

三　　圍：33、23、34

多田瑞穗小檔案

出生日期：1991年8月25日

身　　高：5呎

血　　型：O型

三　　圍：33、24、32

撰文：娟娟