打招呼見地位

由於拍攝現場唔係咁易去得到，我哋搵嚟日本AV雜誌嘅資深編輯倉木先生，帶大家去現場逐一介紹，倉木先生話：「女優每次到現場之後，都要有好多工作要去做，第一件事，就係要同工作人員打招呼。」

大家咪睇小呢個工序，女優有冇江湖地位，全靠睇工作人員嘅回答，如果理都唔理或者隨意回答，咁呢個女優叻極有限；但如果停晒手上工作，哈腰大大聲回答嘅，咁唔使審呢個女優一定係阿姐級。

打完招呼就會分派劇本或者拍攝流程，有江湖地位嘅仲可以商量一下，但如果係初出道或者冇名氣嘅，就只能跟住照做，冇得異議。倉木話：「跟住就要照流程去工作，首先就係換浴袍，讓內衣痕盡快消除。」

最好識得吹頭

有經驗嘅女優就會着啲鬆身嘅內衣，免啲內衣痕遲遲都散唔到，之後就沖涼。倉木話：「沖乾淨之後，就會整頭同化妝，由於每場戲都可能扮演唔同嘅角色，所以化妝同頭髮就會唔同，呢啲全由造型師負責。」

倉木透露：「由於人手有限，所謂造型師，可能只得一個人，由整頭、化妝到戲服，都係佢一手包辦，遇啱一個囡囡主演嘅AV片就冇問題，但遇上兩個以上合演，咁佢哋就只會負責照顧阿姐，其他人要食自己。」

所以話雖然係有人照顧，但如果囡囡識自己吹頭化妝，咁一定會受歡迎啲，之後就係試戲服，倉木話：「由於戲服包括內衣褲都係由公司供應，所以女優收到內衣褲之後一定要小心，睇清楚係咪之前有人着過。」

性道具要消毒

除咗內衣褲之外，仲要留意性道具，倉木話：「底褲都係着喺外面，只要無色無味，勉強可以照着，但性道具就唔同，囡囡會自行用消毒液和紙巾清潔一番，呢一方面一定唔可以馬虎，否則隨時可能會中招。」

另外，仲會檢查性道具有冇缺口，倉木話：「如果道具有缺口或者破裂，當拍攝時可能會造成損傷，之後就會拍唔到落去，所以女優都會好小心咁去檢查，另外試吓震動器嘅力度，好多時都會冇開掣嚟扮開咗。」

之後就放食飯，女優按江湖地方選擇食乜，新人只可食員工飯盒，阿姐嘅就可以訂高級外賣，食飽飽就要刷牙，之後換好戲服，埋牙前再同對手、導演傾一傾走位同招式，傾好就可以開工大吉，一啲都唔馬虎o架！

撰文：小德