人手按摩

日本水着女優個個都青春可人，而且身材玲瓏浮凸，所以好多女優嘅寫真集都可以賣遍亞洲，成為男士們嘅珍藏，擁有38吋I-cup爆乳嘅瀧澤乃南就係其中一位當紅水着女優喇！乃南妹雙峰又大又堅挺，從肉眼目測仲可以發覺呢對極品巨乳全屬天然，但係唔知乃南妹有冇擔心過自己雙峰會因為地心吸力而日益下垂呢？

乃南話：「老實講，我真係幾驚㗎！雖然我家陣只得23歲，狀態正值巔峰，但係我眼見好多女優因為唔識得好好保養，再加上經常夜蒲，所以搞到身材漸漸走樣，令我意識到自己都要趁後生保養，而我覺得保養需要為胸部做適當按摩。家陣，我每日早午晚都會用雙手按摩一次，不斷來回打圈輕揉，咁就可以促進胸部血液循環良好，令雙峰更加有彈性同結實喇！」

乳霜滋潤

坊間曾經有一段短片喺網上流傳，聲稱女士們照住短片咁樣按摩雙峰，能夠有效升cup以及結實胸部，唔知乃南係咪就係睇咗呢段片，所以利用呢個方法護理胸部喇！但係，乃南雙峰已經大得咁緊要，若然真係再升cup就真係唔知點算喇！

同乃南一樣同屬頂級水着女優嘅佐藤和沙就話：「乜你哋男人唔係認為女人個胸愈大愈好咩？」咁又唔係，雙峰太大會變得好異相，而且失去應有嘅美感，和沙又話：「咁咪係囉！其實要令女人上圍更加吸引，要大得嚟唔過分之餘，仲要皮膚白滑，好似我同乃南雙峰又白又滑就係最佳例子喇！而為咗保持雙峰白滑，我會盡量減少戶外活動，避免曬到太陽。另一方面，我仲會用美白乳霜滋潤雙峰，既可以令皮膚美白，亦可以同時按摩雙峰令其結實，可謂相得益彰。」

游水鍛煉

兩位巨乳女優護理有法，唔怪得雙峰咁吸引，但係睇真啲，佢哋除咗胸大之外，全身嘅肉地亦好結實，一睇就知平日勤做運動，但係運動得多，乃南就話：「你又真係挑通眼眉喎！我做得水着女優，就梗係鍾意游水啦！其實，我真係好驚做陸上運動㗎！因為我個胸咁大，負擔好重，做陸上運動真係幾辛苦。不過，去泳池游水就唔同喇！因為泳池水好似一個大軟墊一樣托起我個胸，負重嘅感覺即時冇晒。而且，我一邊游水嘅時候，池水仲好似不斷幫我按摩雙峰一樣。另一方面，池水有氯氣嘅關係，聽人講會令皮膚變白，所以去泳池游水絕對係我最愛嘅運動。」

撰文：賢