朋友阿欣話最近發現自己個男朋友原來已經有咗老婆，但又發覺家陣冇咗佢唔得，於是我同佢做咗一個心理測驗，睇吓佢係咪做二奶嘅材料。
情況：你係一隻飢餓嘅老虎，餓咗三日後畀你捉到一隻野兔，回家時又發現一隻受傷嘅野豬，你會點做呢？
選擇：1. 放低野兔追捕野豬
2. 不理野豬只食野兔
3. 咬着野兔再追野豬
1. 難經考驗
你嘅感情生活經唔起考驗，只要較有條件嘅男士出現，你就會蟬過別枝，所以做二奶嘅機會只得一半。
2. 易發難收
你嘅感情一經付出，就唔可以返轉頭，就算有再好嘅男人都打動唔到你，呢種人做二奶嘅機會極高。
3. 貪得無厭
呢種人對感情貪得無厭，所以就算一時成為二奶，都係為咗錢，只要男士床頭金盡，佢就會毅然離開。
小德