倒奶飲酒

外國人最鍾意搞派對，當然，搞派對又點少得飲啤酒呢！事關有酒精催化，精神特別亢奮，玩得豪放過人。美國有人就大搞一個啤酒奧運會，一邊豪情暢飲，一邊大玩競技遊戲。

至於邊度有啤酒奧運會參加呢？美國好多地方都有人舉辦，至於最近嘅一個，將會喺9月12日，於美國費城舉行，不過，大前提係大家一定要有相當酒量先得！皆因，啤酒奧運會由朝玩到晚，如果冇咁上下酒量，奧運會未完就醉到不省人事。但係有酒量亦未必代表你可以旗開得勝，原因係奧運會有好多特別嘅競飲環節，最特別嘅就係近年大熱嘅倒立飲酒！參加者一邊倒立，一邊用飲管狂啜啤酒，技術少啲都唔得！都係做旁觀者較好，因為有好多女參加者倒立飲酒之餘，仲會倒埋奶，不乏春光乍洩場面，唔使飲酒都覺得興奮呀！

濕身滑行

除咗倒奶飲啤酒，仲有好多值得欣賞嘅節目，例如啤酒乒乓波比賽，由兩位參加者各企球枱一邊，佢哋前面就各放上幾杯啤酒，比賽時雙方會用手將乒乓波拋向對方，只要拋中對方面前嘅其中一杯啤酒，對方就要飲晒佢，令對方將面前所有啤酒飲晒為之勝出。另外，呢個玩法亦有一個變奏，就係輸家除咗要飲酒之外，仲要剝一件衣物！此外，仲有一個極需要體力同酒量嘅競賽，就係人肉推車仔喇！

呢個競賽由兩組人互相角力，每組由兩位美女參加，一位負責用手支撐身體，另一位則抬起佢對腳組成人肉車！只要鬥快將沿路設下嘅啤酒飲晒，然後再直衝終點就算勝出。若果大家仲嫌小兒科，緊接落嚟嘅濕身滑行就一定滿足到大家喇！因為呢個競賽嘅玩法，需要參加者豪飲一大杯啤酒之後再跑一段路，然後再瞓身衝到一條濕滑嘅賽道之上，滑行最遠就為之勝出，睇住班美女搞到成身濕晒，場面真係相當香艷！

醉抱美人

一個人酒量有幾好，始終都有極限，咁樣由朝飲到晚已經好容易醉，再加上參加埋各種刺激又新奇嘅啤酒競技賽，身體血液更加速運行，令酒精效力更加容易見功，不過，咁都唔代表佢哋會停落嚟，因為競賽直到夜晚，仲有一個大型狂歡豪飲派對，一樣係要飲勝杯要清，倒晒落肚先至醒！

派對入面除咗狂歡之外，一般都會向競賽嘅輸家作出大懲罰，而懲罰當然亦係飲酒啦！例如罰佢哋用口啜實膠喉，另一邊則駁上漏斗，由其他人不斷將啤酒倒入去，等輸家以極速喪飲。因此大家可以發現，有好多男男女女於派對開始之時，已經顯得不勝酒力，有部分已經呼呼大睡嚟回氣，另一部分就精神亢奮，不由自主咁手舞足蹈，呢個亦都係男士搵食嘅好時機，如果搵啱目標，而對方亦已經有十分醉意，分分鐘執件筍盤返屋企呀！

撰文：賢