夜瞓捱殘

好多年輕人都有夜蒲習慣，閒閒哋蒲到凌晨兩、三點先夠皮，就算唔出街，鍾意喺屋企上網嘅御宅族男女亦好多時不知不覺玩天光，對於十八、廿二嘅女仔嚟講，經常通頂不但傷身，仲會令皮膚變差，黑眼圈勁過熊貓，膚色變得暗啞，照鏡隨時會畀自己個殘樣嚇親。只得十八歲嘅水着妹永瀨麻帆就深明此道，所以佢早已戒除夜瞓習慣。

「我以前都經常好夜先瞓，多數同網友傾偈居多，又或者上網回答影迷問題，但睇見自己身體愈嚟愈差，實在有必要盡快改變呢個夜瞓習慣，話晒我都係靠樣搵食，萬一捱殘咗個靚樣而令公司唔再用我，咁就大件事喇！」麻帆妹又話，自從改變生活習慣之後，身體健康狀況明顯改善咗唔少，而且亦發現早起床，能增加私人時間，感覺輕鬆得多。

男友遷就

有學者認為，早起對工作更有利，事關人喺體溫高嘅時候會比較精神，早起床能夠令人嘅體溫早啲上升，自然可以提升工作效率。有見及此，另一位水着妹富樫梓紗就將鬧鐘設定於每日凌晨四點，天未光就起床，唔知有乜嘢好做呢？

梓紗妹就話：「既然時間咁早，梗係可以做乜嘢都得啦！除咗睇書、上網之外，有時我仲會同男友出街拍拖，或者大家認為男友肯定頂唔順晨早就畀我叫醒，老實講，初期佢都會顯得非常疲倦，但當佢適應咗之後，就發現做朝活族嘅好處，而且街上途人比較少，我哋出街拍拖都唔需要擔心遇到熟人咁尷尬。」能夠獲得男友遷就，梓紗妹認真幸福，之不過咁早出街唔知有乜好行呢？

晨操過癮

朝活族嘅活動確實多不勝數，當然唔少得床上運動啦！之不過喺晨早時候曳曳，原來都有好多要注意嘅地方。麻帆話：「我覺得呢個時候唔應該玩得太激烈，事關會令人消耗大量精力，完事之後隨時因極度疲倦而瞓到不醒人士，需要返早班嘅人士就肯定更加辛苦喇！所以，我建議大家應拖慢節奏咁玩，同時亦避免太多高難度招式，盡量輕輕鬆鬆咁開心吓就算。」

而梓紗妹就話：「男人喺早上嘅狀態比較好，曳曳就最適合不過，所以我個人認為，如果男女同屬『朝活族』，不妨多啲晨操，不但有助增進兩人感情、改善關係，事後再沖番個熱水浴，更能夠令人精神百倍，返工都零舍醒神！」聽過兩位水着妹嘅意見，唔知大家有冇興趣試吓呢？

永瀨麻帆小檔案

出生日期：1991年2月19日

身　　高：5呎3吋

血　　型：B型

三　　圍：31、23、33

富樫梓紗小檔案

出生日期：1990年12月12日

身　　高：５呎５吋

血　　型：A型

三　　圍：33、23、33

撰文：娟娟