由於兩人鬼鬼祟祟，所以畀肥然發現，於是尾隨喺音樂室門口偷聽，呢個時候，聽見小娟嘩然：「全黑色真係好靚呀！」阿花話：「我見唔係紅色就黑色，咪揀黑色囉！帶返學校都冇咁礙眼。」小娟話：「如果係我，我一定買紅色，因為夠香艷嘛！你睇，質地幾柔軟，摸落去絲咁滑。」阿花：「哎呀！咪咁大力摸落去。」小娟話：「咁緊張驚畀我摸蝕咩？遲啲變晒形，你畀人摸都冇人摸。」阿花話：「呢啲到時再算！」肥然喺門口聽到心癢癢，猛咁裝音樂室裏面，兩人喺到搞乜鬼。

小娟：「幾十蚊真係抵買，我最欣賞係有喱士花邊，夠晒性感。」阿花：「放學即刻跟我去買！」小娟：「咁急！」阿花：「買咗好將你啲舊嘅全部換晒佢，咁大個女仲用卡通公仔，唔怕笑死人咩。」小娟：「我攞你嘅用咪得囉！」阿花大叫唔好。

呢個時候肥然衝咗入去，大家估唔估到，小娟佢哋喺度談論緊乜嘢呢？

選擇：

1. 研究買胸圍底褲

2. 研究買伸縮雨傘　　

3. 研究買吹氣公仔

4. 研究買成人用品

答案：2.研究買伸縮雨傘

解釋：阿花買咗把黑色有喱士花邊嘅雨傘，小娟覺得好靚，於是要阿花攞畀佢睇，但大庭廣眾攞把遮出嚟睇，阿花唔好意思，於是偷偷走入音樂室。點知畀肥然發現，唔知肥然以為佢哋睇緊乜嘢，竟然心急到衝咗入去一齊睇，唔通出面落緊好大雨？

小德