常受騷擾

靚女當然受到男士嘅歡迎，尤其係身材玲瓏浮凸，兼樣貌吸引嘅四仔女星，就算佢哋唔係身着性感，走喺街上例必成為男士們嘅焦點。愛華娣笑道：「以前以為只有明星先至會吸引大家嘅注意，估唔到我哋做脫星嘅，竟然同明星一樣，會吸引粉絲們嘅圍觀。」

不過據艾迪莉講，原來佢哋唔單止受到男士們嘅歡迎，更經常成為被騷擾嘅對象。艾迪莉就話：「可能我哋喺四仔中，經常飾演淫娃角色關係，故此喺行街時，經常有人對我哋吹口哨或進行言語上嘅挑逗。其實咁都冇所謂，因為佢哋只係貪口爽，而且冇身體上嘅接觸。最令我哋感到唔耐煩嘅，卻係有啲厚面皮嘅男士，佢哋走埋嚟問我哋價，仲借故挨身挨勢，甚至想輕薄我哋，呢啲行為就真係好討厭。」

切勿糾纏

作為惹火尤物，兼不少男士嘅性幻想對象，見到佢哋又難免有衝動想埋佢哋身。雖然如此，但過分嘅行為又確係幾令人厭惡。不過大家又唔使為兩位靚女擔心，事關佢哋有辦法避免受到麻甩佬嘅滋擾。愛華娣就話：「遇到呢啲好色之徒嘅埋身時，最好嘅方法就係千祈唔好同佢哋有身體或言語上嘅糾纏，譬如當佢哋埋身想攬你或錫你嘅時候，就要識得用雙手抵擋，盡量同佢哋保持距離，當見到有機會嘅話，就要盡快離開現場，咁就確保不失。」

至於言語方面，愛華娣認為呢啲男人見到埋唔到你身時，都鍾意用言語嚟挑釁你，希望能夠激到你嬲，而見到你發晒火時，佢哋便會覺得滿足。愛華娣表示：「呢個時候就唔好同佢哋嗌交，將佢哋當做耳邊風，費事影響形象！」

靈活應變

艾迪莉非常認同愛華娣嘅講法，認為遇到呢個情況時，最好嘅做法就係盡快鬆人！艾迪莉解釋：「如果仲留喺現場嘅話，事情嘅發展將會難以預料，萬一當中有人失控嘅話，對我哋將會非常危險，因此最好嘅做法，就係盡快離開現場，避免受到眾人嘅圍堵。」艾迪莉之所以會有此感受，原來呢種事曾經發生過喺佢身上。

話說當日艾迪莉拍完戲後，因為實在太攰關係，所以佢冇換衫，只係以一身性感嘅裝扮揸車返屋企。點知當佢去到停車場嘅時候，突然被為數十多個壯男圍住，其中一部分更認得佢係四仔女星，於是佢哋便追住艾迪莉，不但作出言語上嘅挑逗，有人仲想將佢攬住。艾迪莉回憶道：「如果當時我唔係當機立斷上車走人嘅話，後果真係不堪設想。」不過正所謂「經一事，長一智」，兩位靚女再遇到咁嘅情況，都冇有怕啦！

艾迪莉小檔案

年齡：30

身高：5呎7吋

三圍：34、24、34

興趣：旅遊

愛華娣小檔案

年齡：34

身高：5呎8吋

三圍：36、24、35

興趣：踩單車

撰文：阿豪