去夜場玩經常都會同不良習慣拉上關係，的而且確喺夜場中，有唔少人都會沾上藥物嘅習慣。其實係曼谷當地，有關當局都非常注視呢類問題，經常都會大力打擊，而夜場方面亦會作出配合。好似呢間場咁，大家見到咁多人係度玩泡泡池，咁又同呢個反濫藥有乜關係呢？
大家都知道落夜場玩嘅，都係飲酒、跳舞，之後可能畀人引誘之下就中招，但係相反如果埋嚟引誘你嘅人唔係叫你濫藥，而係叫你落去泡泡池玩，咁係唔係健康好多呢？夜場就係藉着呢種睇法，搞番個健康嘅泡泡池，等客人可以將視線轉移到去呢個地方。
就刮王喺現場所見，呢種玩法又真係幾有用，因為在場嘅朋友都好似小朋友咁，大家喺池入面潑下水開心一下，全部人都好似小朋友咁。原來呢種咁簡單嘅做法，可以令人變得純真，可能大家可以重拾童年快樂，玩得好投入。刮王場場所見，成班後生仔同小姐玩到好開心，就連煙都無食。當然，呢個只不過係一個遊戲，最重要嘅係可以喺夜場帶出一個訊息，就係叫大家都唔好濫藥先係最重要。
刮王