全場曬黑

係男人都鍾情搵件白淨妹豬陪玩，外國人都唔例外，原來都鍾意白白淨，但假如去美國一間名叫「Tanlines Babes」嘅夜總會搵白淨囡囡的話，咁好肯定你冇運行都得嘞！事關呢個場清一色玩古銅膚色囡囡，由門口女侍應、大堂經理、酒保甚至陪坐囡囡佢哋都黑麻麻，而囡囡更會曬到成身泳衣印，據佢哋表示，喺漆黑環境下更覺迷人喎！

想喺香港地𥄫囡囡嘅泳衣印，等同搵件天然乳牛一樣咁難，無他嘅，不論肥瘦妹豬都爭住變白。

相反，喺美國亞利桑那州嘅「Tanlines」場內就隨處可見，呢間樓高三層嘅夜總會，下層嘅裝修似間餐廳酒吧，畀人客坐喺度揀囡囡兼同囡囡把酒談心，上層就係娛樂房，有桌球，高爾夫球及保齡球等，最高一層係清一色炮房，真係入去度假都仲得。而呢度規定所有囡囡都必定要曬到古銅色先可以開工，亦唔可以裸曬，務求要曬到有三點式泳衣印為止。

偷窺心態

點解會有咁特別要求？咪又係為咗男人囉！Tanlines老闆認為：「未開此店前，我已經有幾間夜總會。記得一次，我搵咗五位場內囡囡陪去沙灘游水，玩完返嚟，囡囡都曬到朱古力色，仲有個泳衣印，之後佢哋如常開工，點知全部都爆晒鐘，熟客生客都爭住要Mark佢哋坐枱。聽啲客反應至知，原來囡囡嘅泳衣印，比起白白淨嘅囡囡仲吸引，因而令我明白到要吸引班有泳衣印癖嘅男人，不如就開間以泳衣印做主題嘅夜總會。」有人客表示，囡囡着住性感服飾，隨住身體郁動時，泳衣印若隱若現，令人好想再睇真啲，或者就係呢種偷窺心理，令生意愈來愈旺。

一剝即現

講就容易，對於要囡囡曬泳衣印，原來都好煩，第一並非每位囡囡都鍾意古銅色，其次曬黑並非一朝一夕，要保證全場囡囡都有「印」同永不脫色，公司就刻意買咗幾部紫外光燈機，等所有囡囡每日返工前都可以曬燈。經過半年觀察，老闆發覺有泳衣印癖好嘅男人為數不少，生意亦漸上軌道，老闆甚至打算出國開多間分店添！

至於人客究竟有幾鍾意泳衣印，最好當然問番啲囡囡啦！其中一位叫凱莎嘅小姐就話：「我做陪坐都有四年，嚟Tanline工作兩年，以往亦做過其他夜場，相比之下，呢個場人客平均係較快玩完，或者係為佢哋見親啲女都唔會有泳衣印，所以見到我哋就零舍興奮，尤其係上床時更會慢慢咁剝我哋條T-back內褲，當佢哋見到嗰印逐漸出現，就睇到金睛火眼，好得意㗎！」

另一位小姐奧瑪就話：「有啲人客甚至會買啲迷你比堅尼送畀我哋，然後叫我哋着住曬。嗰啲泳衣細到三點都遮唔晒，不過曬完自己都覺得性感，搞起上嚟零舍興奮，高潮都多啲呀！」一個泳衣印就可以發達，莫非男人錢真係咁易呃？

撰文：祖