老友富哥上去關口村食快餐，可以話熟晒地頭，但佢對上一次竟然畀囡囡彈佢鐘，客人彈囡囡鐘就見得多，點解今次富哥畀人彈返轉頭咁搞笑呢？原來同佢樣衰兼口臭有關！話說富哥同個客食完中午飯，諗住唔返香港住，於是走去關口村，睇吓有冇囡囡開工，憑富哥豐富經驗，邊啲囡囡出嚟做，佢一睇就望得出嚟。富哥坐喺士多仔門口，當時人來人往，佢見女仔就搭訕幾句，就喺呢個時候，見到一個身穿小背心熱褲涼鞋嘅靚女，擺吓擺吓咁走過，富哥嘅直覺話畀佢知，九成係出嚟做嘅囡囡，於是又上前搭訕，一開口就問人啱啱收工定啱啱開工，認真直接。個囡囡喺大街大巷，當然冇睬富哥，之後囡囡急急腳拐咗入小巷，裏面就係有間髮廊仔，於是富哥就貢入去，問媽咪有冇青春少女，媽咪拍晒心口話啱啱有個返工，仲叫富哥上樓睇辦，於是富哥滿心歡喜咁上樓，睇吓係咪頭先街頭偶遇嗰個。
富哥跟媽咪上樓，先入房坐吓，媽咪再去隔籬屋搵囡囡過嚟畀富哥睇辦，媽咪帶入嚟嘅，真係頭先個靚女，富哥當然開心，點知囡囡竟然同媽咪講，今日成日肚屙，屙到不得了，睇嚟可能腸胃炎，媽咪未及反應，囡囡呀一聲話又嚟，轉身就走。
擺明彈富哥嘅鐘，媽咪之後再氹佢，個囡囡都唔肯入房，搞到富哥空歡喜一場，事後走嚟向我投訴，我聽完之後反而教訓富哥：「做人咪咁口臭，喺大街大巷咁同女仔講嘢，一啲面都唔畀人，九成嬲咗你，何況家陣有客冇女，佢哋都唔憂做，話彈你咪彈你囉，另外風頭火勢，隨街咁講啲咁敏感嘅嘢，當自己屋企咁，你唔怕死，啲囡囡都怕死，今次紮炮咋，下次話唔定畀人打一身添呀！」富哥一言驚醒，話下次都唔敢啦。
小德