漫畫人物影響

呢兩位咁有性格嘅靚女，分別係今年28歲嘅山本梓，同埋啱啱20歲嘅西田麻衣，我哋先問問山本梓，睇吓佢由幾多歲開始就着卡通內褲，山本話：「由於我父母都係動漫迷，所以自我出世之後，全部內衣褲都係印有卡通圖案，一條淨色都冇！」

咁你自己本身幾時開始愛着卡通圖案嘅內褲呢？佢話：「自己三年級時，好喜歡睇一套少女漫畫，於是凡係該漫畫人物所出嘅內褲，佢都買嚟着，呢套作品嘅內褲一直着到初中，後嚟巿面多咗好多專出卡通角色嘅產品，我就由內至外都係卡通人物產品。」

山本仲話：「我記得自己讀初中時，每次有同學買咗新款卡通角色底褲時，大家就會圍喺女廁研究，由於底褲係絕對私人嘅物品，唔同其他嘢可以分享，所以當你擁有獨一或者最新款嘅底褲時，你會好有自豪感，不期然會有高人一等嘅感覺。」

被懷疑係處女

但係家陣都出嚟做嘢，仲着卡通底褲，唔怕畀人笑咩？山本話：「我真係唔怕畀人笑，你以為卡通底褲好平咩？有啲名牌產品，一條就等同成套中價名牌內衣嘅價錢，所以千祈咪睇小，而且我着乜嘢底褲，又會有邊個知道，點會畀人笑我呢？」

西田麻衣就話：「我細細個時，冇着過卡通人物底褲，後嚟到咗四年級，同山本一樣，愛上咗一套漫畫作品之後，就喜歡穿卡通人物內褲，我比較內向，好少喺同學面前揭起條裙嚟大家研究，但我覺得着咗會好有自信，充滿快樂嘅感覺。」

所以西田一直着到依家，而據西田講，着卡通內褲仲有一樣好處，就係當新相識嘅男朋友，見到你着住條卡通人物內褲嘅時候，佢哋會以為你好純潔，仲會反覆問你係唔係處女，之後對西田嘅態度，更會完全唔同晒，對佢百般照顧和遷就。」

借出卡通內褲

但如果去到拍寫真嘅現場，畀人見到唔怕畀人笑咩？西田話：「其實唔會嘅，我哋到現場係要換衫嘅，真正睇到我着卡通內褲嘅，只有化妝師，換好衫之後，就會冇人知道，係有次導演想叫我扮學生妹，但現場只得蕾絲底褲，完全唔啱用。」於是西田就自告奮勇，將自己條私伙卡通底褲着住嚟拍攝，自此畀人傳咗出去，但西田一啲都唔尷尬，佢話：「我今年只得二十歲，愛穿卡通內褲有乜嘢咁出奇，等同扮學生妹，冇理由着蕾絲內褲一樣，我覺得係合情合理嘅事，唔需要尷尬。」

最後問西田估計幾時會唔再穿卡通內褲呢？佢話：「好難講，可能兩三年後，但又可能十幾年後，其實做人嘅嘢，最緊要過得開心，當着到有朝一日厭倦，咪會改着其他款式囉！點話得埋，但到目前呢一刻，我知道自己仲好喜歡着就已經足夠。」

西田麻衣小檔案

出生日期：1989年03月23日

身高：158cm

三圍：35、23、32

血型：O

興趣：着卡通底褲

山本梓小檔案

出生日期：1981年04月24日

身高：157cm

三圍：33、22、33

血型：A

興趣：收藏公仔底褲

撰文：小德