開門嘅係一個十分性感嘅靚女，佢叫黛斯，見到甸尼有啲失望，但見佢咁可憐於是叫佢入屋坐一下，仲叫佢入浴室用毛巾抹抹身，甸尼照做，入到去發覺好香，睇嚟黛斯啱啱沖完涼，當甸尼抹完身再出到大廳嘅時候。黛斯啱啱掛電話，然後抹抹眼淚，當轉身見到甸尼嘅時候，就問甸尼食咗飯未，甸尼揸咗大半日車，一粒米都冇到肚，餓到個肚皮發出聲響，黛斯一笑，帶甸尼入飯廳，原來黛斯已經準備好晒豐富晚餐，仲有靚紅酒，叫甸尼唔使客氣。

甸尼餓到七彩，於是一邊狼吞虎嚥，一邊大讚啲食物好嘢，而黛斯就猛咁灌紅酒，當甸尼食到個肚脹晒，就宣布投降，黛斯亦啱啱飲到不省人事，甸尼估計黛斯一定約咗情人嚟別墅度假，點知情人失約，所以就借酒消愁。甸尼見佢就咁瞓唔係辦法，於是就送佢上房，自己返落大廳瞓梳化。

到咗半夜，甸尼突然感覺異樣，低頭一望，原來黛斯正向甸尼下身作挑逗。甸尼為了報恩，於是全力出擊，搞到黛斯不知幾冧，一晚之內做足三次，令黛斯第二朝都起唔到身，而甸尼見冇雨就鬆人，以為以後再冇機會見面，點知三個月後去有錢仔同學嘅婚禮，見到佢個老婆竟然係黛斯，個同學千祈咪話好快做老豆就好！

小德