近排內地搞緊百日嚴打，唔單止玩家冇地方玩，而不少內地夜場及桑拿都叫苦連天。喺咁嚴峻嘅環境下，理論上，當然要加倍提升服務質素，先至可以吸引客人。點知有啲場所，仲係唔知客人至上嘅道理，提供嘅服務水準差之餘，仲縱容技師屈客，莫非呢啲場所真係唔憂做？
話說老友張仔早幾個禮拜去廣州行街，見到有人派桑拿傳單，佢見到有時間，加上有專車接送，一於試吓呢個場。
張仔當日點咗個港式按摩套餐，喺房度等咗一陣，技師施施然嚟到。佢嘅外表不過不失，但服務態度卻認真麻麻，甫推開門就極力慫恿張仔，轉個價錢較貴嘅服務，拍晒心口話勁舒服。喺不勝其煩下，張仔便答應。點知技師做得非常求其，原本註明嘅口部服務變咗用手，而且做得非常敷衍。
「依家唔係免費喎！見到佢咁樣做法，梗係扯火啦！咪話如果係咁嘅話，我只會畀港式價錢。點知佢若無其事，繼續用手服務。到落鐘埋單時，我就同經理投訴。點知經理聽完後，不但冇道歉，竟然愛理不理叫我畀錢，仲回贈我幾句，乜嘢出嚟玩就唔好斤斤計較，又話香港人係鍾意投訴之類，真係嬲爆！」其實呢啲問題桑拿周圍都有，而呢種服務手法，只會令客人愈嚟愈少，最終只會倒閉收場，啱啱收到張仔電話，話呢間桑拿已經結業，呢個結局亦係理所當然。
阿豪