白領悶到慌
呢兩個咁抗拒做白領嘅靚女，都係嚟自澳門中×城夜總會嘅囡囡，一個係20歲嘅格格，格格留有一頭短髮，笑容親切，特別畀人一種清爽嘅感覺；另外一個係19歲嘅楠楠，留有一頭長長秀髮，樣子清純可愛，一睇個樣成個OL咁款，唔做白領真係嘥晒。
我哋先訪問一下格格，睇吓佢點解咁唔想做OL？格格話：「我做過三個月OL，發現好悶，一日到黑都係喺辦公室，對住四幅牆，有嘢做都好啲，一冇嘢做嗰陣，真係度日如年。而且萬一同啲同事唔妥，你仲要日日對住佢哋，真係比死更難受。」
除咗呢啲之外，會唔會因為有辦公室性騷擾呢？格格話：「呢層一定有，啲男人成日喺你旁邊講鹹濕嘢，有時就專登問你意見，戲弄一下你！」咁有冇男人抽你水呢？格格話：「摸吓手、摸吓膊頭都有嘅，但摸其他地方，就未試過。」
OL冇發展
咁除咗悶同埋有人抽水之外，仲有乜嘢原因唔想做白領呢？格格話：「家陣咁多行發展都咁好，使乜做白領啫，做售貨員走嚟走去，又可以同客人吹吓水，不知幾咁爽，再唔係做食肆服務員都好，除咗唔會悶之外，有時仲可以偷食，幾咁好呀！」
但係做售貨員同服務生都好辛苦啫！格格話：「後生女情願辛苦啲好過悶親！」咁又啱嘅！至於另一個囡囡楠楠又點睇呢？楠楠好認真咁話：「我未做過OL，但我有個表姐做過，佢嘅遭遇真係好慘，自從聽咗佢嘅故事之後，搞到我都唔敢做OL！」
究竟楠楠表姐發生咗乜嘢事，咁影響楠楠呢？原來係咁，佢表姐高專畢業之後入咗一間大企業做小文員，楠楠咁靚女，所以佢表姐個樣都唔差，一入去公司之後，就大把人追求佢，而其中一個就係佢嘅上司，但楠楠表姐反而喜歡個同年紀嘅同事。
上司性騷擾
上司不斷約楠楠表姐去街，佢唔敢拒絕，期間成日都畀佢抽水，但唔係咁過分，佢表姐都逆來順受，後嚟上司變本加厲，更向佢表姐提出過分嘅要求，佢表姐忍唔住向上司表明自己已有心上人，怎料上司因愛成恨，搞到兩人被公司炒魷魚收場。
楠楠話：「之後個衰人仲唱我表姐係淫婦，激到我表姐喊咗幾個月，所以我話過唔做OL。」但楠楠最想做嘅工作係乜嘢呢？佢笑笑口話：「我最想做模特兒！」楠楠身材又高，樣子又甜美，做模特兒一啲問題都冇，但係如果又撞到鹹濕上司呢？
楠楠話：「同樣畀人抽水，但做份OL人工又少，前途又差，做模特兒就唔同，搵錢又多，前途又好，我情願做模特兒畀人抽水啦，而且話唔埋畀個大老闆睇中我，娶咗我做少奶奶，咁我下半世唔使做添！」楠楠咁有諗頭，真係要寫個服字畀佢！
格格小檔案
年齡：20歲
三圍：34、23、34
興趣：交朋友
楠楠小檔案
年齡：19歲
三圍：33、23、33
興趣：搵老公
撰文：小德
攝影：賓