最近有朋友肥福話，佢去開嘅一間水療場，加入男士浸浴服務（Spa），而且全部獨立貴賓房。肥福問經理有啲乜嘢玩？佢話喺貴賓房裏面，可以享受足浴、浸浴同埋按摩嘅一條龍服務，而且仲有受過特別訓練嘅技師幫你消除疲勞，妙手回春，最後嗰句妙手回春，令肥福心思思，於是問問經理收費幾多？
水療嘅基本入場費係二百幾蚊，如果要開間貴賓房嚟浸浴，就要額外畀多二百幾，但貴賓房自成一國，你想做乜都得。肥福揀咗個靚女技師，入到房技師先同佢做足浴，手勢一般，之後就喺浴缸開水畀肥福浸浴，肥福心諗一定係鴛鴦戲水，點知佢坐咗落浴缸之後，技師冇剝衫，反而走去佢後面，替佢按摩肩膊同埋手臂，之後乜都冇做，只坐喺度餵肥福食生果。技師叫佢瞓低，然後同肥福全身按摩，十分正規，一啲挑逗嘅行為都冇出現。反而因為舒服得滯，搞到肥福瞓着咗添，轉眼三粒鐘玩完，技師叫佢起身，問佢仲加唔加鐘，肥福一計，家陣埋單都要六七百，仲加鐘咪要成千銀埋單，於是答佢唔使加鐘，點知個技師遞本小費本嚟，問肥福簽幾多香油，肥福於是寫上三十蚊。點知技師話一般三粒鐘嘅按摩，小費係一百蚊，肥福一聽當場呆咗，肥福正想發難，但靚女技師就問肥福，佢係咪揼得唔好，肥福當然話唔係，技師就話唔寫一百小費，經理會以為佢哋偷懶，有可能即炒，肥福見佢咁可憐，於是寫上小費一百，最後埋單足足成八舊，但乜都冇得搞，肥福即刻呻笨。
小德