男人踏入中年，體質多少都會有衰退迹象，因此，呢個時期最重要係保重身子，千萬唔好過分操勞，亦特別需要節制房事，好似讀者「頭痛」所講，經常北上玩樂，煙酒過多固然令身體變差，再加上縱情酒色，更容易令身體出現問題，而頭暈、耳鳴、腰部疼痛其實就係因為腎臟勞損嘅迹象，若果發覺房事力不從心，就更加需要調養身子喇！一味羊腎羊肉粥應該可以改善情況。材料包括羊腎一對、羊肉半斤、枸杞四錢。先將適量白米煲成粥，再將羊腎及羊肉切碎，連枸杞放入粥內，煲滾後便可食用。羊腰含有豐富營養，有補虛損、壯陽益腎作用。而羊肉有益氣補虛、補腎壯陽、補精血、益虛勞之效，將兩種材料煲粥食用，對於腎虛勞損、陽氣衰敗引致腰脊疼痛、頭暈耳鳴、尿頻或遺尿都有改善作用。

陽起子