太陽能型人

我哋先搵嚟蒼井怜訪問一吓，佢平時有乜嘢嗜好？蒼井話：「自己嘅興趣就係行街買嘢，但冇錢嘅時候，就會留喺屋企，但咪以為會好得閒，我呢份人係無事忙，如果一個人喺屋企，我都會東搞搞、西搞搞，執屋都可以執佢幾日時間。」

執完屋都可以去夜街玩吓啫，點解話唔會落夜場玩呢？蒼井笑笑口話：「當你執完成日屋，或者忙完一日工作之後，仲邊有精力同心情去街玩，有時朋友生日，勉為其難去夜店玩，我齋坐都攰到想死，希望可以快啲返屋企瞓覺就最舒服。」

原來蒼井係太陽能型嘅囡囡，即係見光就生猛，一收太陽，佢就得番半條人命，仲有一樣嘢大家可能唔知，佢一日要瞓成十個鐘，蒼井話：「有乜嘢出奇啫，我自細就習慣咗九點零鐘瞓覺，朝早七點就起身，咁樣成日都會龍精虎猛，體力充沛。」

咪浪費時間

如果瞓少一個鐘，佢就會冇晒精神，所以佢嘅經理人公司有工作畀佢，就一定要畀時間佢瞓到夠，咁就會表現出色，否則連飲幾罐提神飲品都冇料到，但大家都好擔心蒼井咁樣生活，會唔會識唔到男朋友呢？蒼井話唔驚，鄉下人大把生活係咁。睇嚟蒼井想識一個鄉下男人做男朋友，邊位朋友鍾意早睡早起嘅，不妨考慮一下。

至於小西那奈又點解唔喜歡喺夜店識男仔呢？小西話：「我認為偶然去夜店玩吓嘅人，絕對可以接受，但如果晚晚要去，甚至去少一晚都唔得，咁就有問題。」

原來小西年輕時都喜歡夜蒲，但發現晚晚咁玩好浪費時間，於是決定改變自己，過番正常人嘅生活，但佢哋朋友極之反對，小西話：「人各有志，佢哋要繼續玩，我唔反對佢哋，但我唔玩，佢哋竟然反對我，自此我對呢啲沉迷夜蒲嘅人好反感。」

平日識男仔

原來真係有少少童年陰影，小西話：「自從入咗行之後，好多人都以為我會再夜蒲，但自己發覺工作之後，屬於自己嘅時間已經好少，再去夜蒲浪費時間，我覺得好可惜，所以入行後，除非不得以，我都好少去參與夜生活，一放工就會返屋企。」咁返屋企做乜嘢呢？小西話：「我會睇書，但睇嘅唔係消閒書，而係睇啲可以令我知識增值嘅書籍，我唔趁年輕充實自己，將來可以走嘅路就會好窄。」咁有理想同大志，睇嚟小西唔想做一輩子AV女優，但大家都擔心小西點樣識男友呢？

小西笑笑口話：「唔去夜店就識唔到男朋友，唔會啩？我好多男性朋友，都係平時認識返嚟，而且我個人覺得，平時認識嘅男仔，素質比喺夜店結識嘅不知好幾多百倍，所以我情願唔去夜店識男友啦！」各位靚女，小西講嘅真係好有道理㗎！

蒼井怜

出生日期：1988年12月13日

身　　高：157cm

三　　圍：35-23-34

血　　型：A

興　　趣：早睡早起

小西那奈

出生日期：1987年7月7日

身　　高：160cm

三　　圍：35-22-33

血　　型：A

興　　趣：看書

撰文：小德