撰文：娟娟

片商參戰

據了解，網站拍賣女優恩物嘅情況已經出現多年，家陣仲愈嚟愈多AV片商加入呢個行列，而且拍賣嘅物品由清一色內衣褲，演變到今時今日只要女優掂過吓都能賣，實在無奇不有。曾有片商表示咁做純粹為咗回饋影迷，讓大家可以藉着競標手法，蒐集偶像嘅物品以作留念。無錯，影迷能夠有機會獲得心頭好，確實非常有滿足感，但對於業內人士嚟講，片商嘅做法只係想開闢另一個賺錢嘅渠道，將一啲可能冇用嘅物品放於網上競標，用最小嘅資源去獲取最大利益啦！

另一方面，家陣拍賣網站嘅貨品都以女優隨身衣物為主，並唔係新貨，其價值在於沾有女優嘅名氣及體味，一般嚟講，內衣嘅價值比衣服更高，若然該女優知名度高，其物品通常可以賣到起標價至少十倍以上。

內衣有價

對於片商嚟講，拍賣女優物品所得嘅收入唔算太多，但何解佢哋仍然會參與其中？據講，一來可以節省資源，事關女優身上嘅戲服，多數着一次就唔會再着，實在非常浪費；二來擺上網拍賣嘅話，可以為女優製造話題，提升人氣；三來能賺錢，可以話一舉三得。當然，呢個情況亦代表咗家陣AV市場仍處於不景氣，片商確實有必要賺得一蚊得一蚊。

此外，女優物品嘅價值確實與名氣掛鈎，好似知名女優星野美優咁，早前推出新作之後，片商即時喺拍賣網站推出佢喺戲中着過嘅內衣套裝，更講明沾有女優嘅體味，以及附有親筆簽名，據網站公布，呢套內衣由1,000日圓起標，最終以62,000日圓成交（約5,077港元），漲價62倍之多，認真誇張，直頭勁過新股上巿。

勢創紀錄

除咗星野美優，不得不提近期人氣旺盛嘅原紗央莉，呢位藝能人女優自從加入AV界之後，一直受到外界嘅高度關注，論身材樣貌，佢的確係現時業界至高質嘅女優之一。如今原紗央莉紅透半邊天，其隨身物品當然有番咁上下價值啦！早前專屬片商透過網站拍賣佢用過嘅火紅色唇膏，底價1,000日圓，即日已升價到7,000日圓，同時仲有一套「有味」嘅黑色泳衣，單日價格已升到21,500日圓，有傳仲會衝破100,000日圓，雖然未知答案，但按照現時形勢嚟睇，想創下紀錄應該唔係太難。