小娟話：「一日都係肥然唔好，搵佢負責任就啱啦！」娟媽馬上明白咁話：「又係啲臭男人做嘅好事，一定要佢負責任，咁阿花你想點吖？賠錢定係賠番件嘢畀你吖？」小娟話：「呢件嘢跟咗阿花十幾年，而且一冇咗，就搵唔返第二件㗎啦！」娟媽一臉認真阻止小娟講落去：「我明白晒！呢件嘢我都曾經畀個衰人整爛咗，家陣只有兩個方法，一個就係打佢一身再屈番一百幾十萬，另一個辦法就係結婚。」阿花一怔：「我唔要同佢結婚！搞到人哋流晒血！」娟媽：「咁就屈佢筆錢啦！」

阿花問：「乜值一百幾十萬咩？」娟媽：「你啲後生女識乜嘢吖！紀念價值係無價嘅！你放心，呢單嘢包喺我嘅身上！」娟媽於是接手約肥然出嚟見面，三日後，娟媽喺屋企突然畀重案組破門入屋，被黑布蒙頭帶返警署，拘捕理由係恐嚇勒索。

各位聰明嘅讀者，喺有限嘅提示下，大家又估唔估到阿花冇咗啲乜嘢呢？

小德

1.失去了童貞

2.失去了胸圍

3.失去了幼齒

4.失去了聽覺

答案：3.失去了幼齒

解釋：阿花同肥然玩遊戲嘅時候，肥然唔覺意撞襯阿花，令阿花原本鬆鬆地兼跟咗佢十幾年嘅幼齒，成隻撞甩咗，仲流晒血添，阿花成為崩口妹，當然唔開心囉，諗諗吓仲喊咗出嚟，至於娟媽諗錯咗隔籬，搞到去屈人一百幾十萬，睇嚟今次都有排煩啦！