撰文：賢 攝影：強
有容乃大
小記有好多朋友都係已婚人士，每次約佢哋落酒吧聚會都要早一個星期約定，事關佢哋一定預先向老婆大人申請，交代當日聚會嘅時間、地點以及朋友等等資料，等老婆大人再三確定冇問題，冇不良因素會教壞佢老公仔先放行！作為單身人士嘅我真係替佢哋難過，亦覺得娶老婆真係唔好過，因為萬一娶到一個心胸狹窄嘅女人，可能預早申請都係徒然。
來自澳門×龍夜總會嘅朱古力就話：「其實做女人唔應該咁冇包容性，正所謂有容乃大，我哋女人嘅地位愈來愈高，所以都要大人有大量，適當地容許男人出去玩。其實，畀佢哋出去飲吓酒，甚至去滾都可以接受，只要佢哋玩飽之後仲識得返屋企就得啦！而且，唔好話男人成日對住我哋會覺得冇新鮮感，我哋成日見住班男人都會覺得厭啦！放佢哋出吓街，唔使班男人屈喺屋企悶悶不樂，自己亦可以樂得清閒，享受私人空間，你話幾自由自在呢！咁樣做更加可以令對方知道你唔係一個專制嘅女人，一定會錫晒你啦！」
保持彈性
朱古力就講得啱喇！吓吓都管住晒，我哋男人仲邊度有尊嚴？仲邊度能夠喺朋友面前立足呀？
朱古力嘅好姊妹嬌嬌就話：「咪就係囉！兩個人一齊生活一定要畀適當彈性對方先開心㗎！有好多女人當身邊嘅男人好似工人一樣，話要睇戲就睇戲，話要食飯就食飯，當然做男人都好應該遷就女仔，但係次次都係女方話事，而且冇妥協嘅餘地就唔多好喇！因為咁搞法，男人會覺得冇晒自尊，仲會愈來愈自卑，有部分男人仲會因為呢個原因出現心理問題，引致房事力不從心，最後大家都係受害者。所以，我勸各位女士，即使男士們對你言聽計從，但係都要保持適當彈性同空間，如果對方有要求都要聽取一下，又或者由得佢話事，等佢哋有話事權，個人自然都威啲有型啲，返到屋企，一定會喺床上努力報答你嘅！」
恃大行兇
嬌嬌亦講得冇錯，高壓管治無論任何地方都唔會受人歡迎，所以女人們一定唔好對男士咁專制、咁霸道，呢個時候朱古力就話：「對男人有時候都要霸道㗎！」何解？朱古力話：「好多女仔以為喺床上任由男人魚肉，發洩咗佢哋嘅慾火就算完成使命，但係女仔完全唔知道男人好希望女人可以主動啲，甚至霸道啲全程搶攻，先可以令對方覺得充滿刺激，正因為班女仔唔知道箇中玄機，所以令男士們成日心郁郁去滾，藉此得到瘋狂搶攻嘅快感。所以，各位女仔如果要留住男人個心，千祈唔好怕醜，一定要畀足反應，仲要適當反攻。當然，反攻都要講技巧，好似我咁就可以恃大行兇，實行用一對又大又挺嘅巨乳力壓佢哋，猛請佢哋食波餅，仲可以用雙峰喺佢哋身上任意掃蕩，一定可以令班男人佩服到五體投地兼且冧到全身軟晒！得到咁爽嘅享受，佢哋仲唔錫晒你咩！」