天真無邪

萌系女孩之所以大受歡迎，是因為不少愛看動漫的男士，都鍾情於樣子可愛嘅女孩，近年動漫文化抬頭，更加令呢陣萌風刮起十級風暴。於是乎，打着「萌系」二字為旗號嘅風俗店，就開到成行成巿，齊齊出動搶銀紙。而芸芸萌系風俗店中，尤以東京呢間以「萌」系女孩作主打嘅風俗店。呢間風俗店開業三年，人氣與日俱增，每日都有不少好此道嘅男士光顧，仲好生意到開咗幾間分店，可想而知萌系對當地人吸引力何其之大。據負責人指出，佢哋之所以成立呢間店舖，其實係想玩家們領略可愛靚女動人之處，讓呢種萌系文化發揚光大。話雖如此，講到尾咪又係為搵錢！

溫柔體貼

能夠喺咁短時間內做出咁嘅成績，自然有佢嘅本事！呢間風俗店最強嘅撒手鐧，就係佢所挑選嘅靚女，個個年輕貌美又可愛，身材更係有番咁上下。不過萌系靚女唔係要波平如鏡嘅咩？負責人認為其實係唔一定嘅，因為萌呢個詞語嘅範圍十分廣泛，而為咗能讓客人玩家開心，身材當然重要啦！

除咗樣靚身材正，服務更加唔少得，每個風俗娘表現都貼心非常，不論客人有乜嘢要求，佢哋都聽聽話話，務求能令客人置身於溫柔鄉。如此以客人為中心嘅服務，試問有邊個玩家唔鍾意呢？雖然稱為「少女」，而為保障雙方，在場所有囡囡都已成年，部分其實更是「中女」級，只不過樣貌生得標致，瞞天過海而已。

所費不菲

萌系風俗店仲有一個最大特色，就係店中風俗娘都以Cosplay造型出現，每個都打扮成動漫及電玩中嘅女主角模樣，呢類動漫服飾大部分都性感非常，每每喺重要部位附近開個大洞，令客人蠢蠢欲動，客人更可指定佢哋穿着自己喜歡嘅服裝，要佢哋扮演任何你心儀嘅角色都冇問題，只要肯畀錢就可以。呢種萌系味道如此誘人，仲要樣樣順得人，收費當然相對地高，每四十五分鐘收費，就要18,000日圓（約1,400港元），而且要經會員介紹方能入會、加埋電話預約、服裝等費用，合共要成兩千蚊港紙，都咪話唔乸脷！乜都未做就使千幾二千銀，係咪值得就見仁見智喇！

撰文：祖