撰文：祖

重情重性

有男士以為水着妹有樣有身材，實大把男士追求，經驗豐富，理應看淡感情，原來事實並非如此。就以堀井美月為例，佢對每段感情都咁投入(口架)！「因為我個性比較脆弱，每當愛上一個男人時，就會不自覺無條件奉獻給對方，故此，假如發覺對方唔係同我一樣咁重視感情嘅話，倒不如唔好喺埋一齊。不過我好多時都係遇人不淑，拍拖過不到三個月就會分手。」堀井妹道。

聽到堀井美月咁講，不禁令人眼濕濕，另一位水着妹就表示：「堀井美月真正鍾意嘅係重情又重性嘅男士。事關呢種男士唔會四圍溝女，對伴侶專一，最重要就係床上表現夠積極，唔怕冇貨交，讓佢享受床笫之歡！」聽到愛衣咁講，堀井美月嬌笑話：「如果可以重情又重性嘅話，咁就當然係好啦！」

愛慾分離

重情又重性嘅男士，似乎真係女性嘅頭號理想對象，堀井妹真識揀。咁樣貌嬌俏可人嘅愛衣妹，佢理想嘅男士又需要具備乜嘢條件呢？愛衣面紅紅咁笑住話：「同堀井美月相反，我最討厭嘅就係重情嘅男士，至於我心目中理想嘅類型，就係嗰啲我行我素，放浪不羈嘅浪子型男士。」乜嘢為之我行我素呢？愛衣就話：「所謂我行我素嘅男士，性感就係佢哋最大嘅特徵，佢哋會將性和愛分得好清楚，明白邊樣係愛，邊樣只係純粹生理需要。」

如果係咁嘅話，咁咪即係要愛慾分離？愛衣點頭話：「講得冇錯。皆因我明白到天下冇唔偷食嘅貓，每個男人都鍾意出去偷食，就算係我男友，如果佢想去玩都冇所謂，只要佢識得返屋企就得。喺另一方面，佢都唔可以管束我，我放佢去玩嘅同時，亦都要佢畀番相同嘅自由我，等我都有機會試吓其他男士嘅感覺嘛！」

玩得睇得

堀井美月同愛衣講完理想男朋友嘅性格，最後仲要作出總結，話有一點更為重要喎！堀井美月話：「性格玩得嘅男士，不但能夠將歡樂帶畀我哋，而好玩嘅性格更能令我哋嘅生活變得多姿多采。不過，男人最重要始終係個樣，只有靚仔至可以令我產生愛慕之心，同埋燃起性慾，如果對住個超樣衰嘅男人，又點可能同佢搞得落手呀？你哋男人都唔會鍾意豬扒啦！」

愛衣則話：「識得玩嘅男性，先至明白乜嘢至係生活，同呢種男士喺埋一齊，先至會令生活變得豐盛。至少唔需要我安排，對方都會畀到驚喜我，氹我開心。當然，佢仲要係睇得，咁樣就係十全十美嘞！」仲以為兩位靚女係注重內涵嘅人，最終咪又係靚仔大晒！

堀井美月小檔案

出生日期：1986年4月21日

身　　高：148CM

三　　圍：36、24、34

愛衣小檔案

出生日期：1988年10月2日

身　　高：156CM

三　　圍：37、24、34