誘人長腿

擁有一雙美腿嘅水着妹木口亞矢話：「好多人都以為巨乳係女人最強嘅武器，其實呢個觀點完全錯，不少男士都覺得玉腿比巨乳更加吸引！尤其係長腿配上高踭鞋，襯托出絕佳嘅線條美，經常吸引唔少男士，眼定定咁𥄫實我哋對腳。」報稱有44吋長腿嘅小田亞沙美亦好同意：「唔係我哋誇張，我好有信心同你打賭，如果我着住短裙加高踭鞋，同個巨乳妹一齊行出街，一定係我搶鏡過佢。」咁都要睇個巨乳妹個樣係點，你搵件豬扒同你一齊行，梗係你贏啦！小田亞沙美笑話：「我又未至於會搵個豬扒同我鬥，不過總會搵件冇我咁靚嘅就真，事關冇一個女仔想自己同人鬥靚會鬥輸㗎！仲有，我哋有咁靚嘅玉腿，又點會收收埋埋，唔畀大家欣賞呢？故此，我出親街都係短裙或熱褲加對高踭鞋，咁嘅裝扮一出，試問有邊個男人唔望我望到眼定定？」

敏感大腿

小田亞沙美講到收唔到口咁滯，坐喺旁邊嘅木口亞矢突然插嘴：「其實腳唔單止好睇，喺男女調情之時，都有好重要嘅作用㗎？」有乜用呀？木口亞矢笑笑口話：「你係男人，你嘅大髀內側畀人掃兩掃，都會感到興奮啦！我哋女性比男性更敏感，調情之時，如果男朋友攻擊我大髀內側的話，我就會春情氾濫，好快就進入狀態，渴望男友嘅滋潤。除咗大髀內側外，膝蓋後方都有好多神經，稍稍受到刺激，都會挑起我嘅情慾，我男朋友就好清楚我呢個弱點，經常都偷襲我，搞到我幾乎晚晚冇停咁樣曳曳。」

咁又係呀，畀着我係你男朋友，見到你成日着迷你裙同熱褲，梗係忍唔住要偷襲你啦！木口亞矢面紅點頭道：「係呀，我男朋友都同我講，話我呢身造型好誘惑，每次見到我都忍唔住手要掃吓我大髀，結果咪搞到佢興奮時我慾火焚身，跟住就要齊齊滅火囉！」

撰文：祖