知情識趣
以前好多男士都認為男主外，女主內，煮飯洗衫等家務一律應該由女人處理，自己出外辛勞工作之後，好應該喺屋企歎世界。不過，時至今日，各位男士千祈唔好再有咁嘅諗法喇！因為家陣好多女仔唔係討厭煮飯，就係唔識煮飯，如果大家好似以前咁蹺埋雙手等食，分分鐘餓到發瘋，所以話，依家做男人真係唔容易o架！
不過，澳門中×城嘅Lily就表示，男人大丈夫為咗女仔學煮幾味唔過分，仲可以令女仔覺得好冧o架！Lily話：「我哋女仔一向都鍾意男仔多才多藝，玩運動叻固然可以憑運動場上嘅雄姿吸引我哋注意啦！不過，男仔識煮幾味更加吸引。我哋認為識煮飯嘅男仔特別有情趣，我冇吹水㗎！一個男仔之所以學煮飯，目的一般只有兩個，一係為咗搵食，一係為咗討好女仔，既然佢哋一心為咗女仔而學煮飯，佢哋個心梗係鍾意為女仔付出，視氹女仔開心為己任，同佢哋一齊實有情趣。而且，有佢哋得閒教我煮幾味，感覺又溫馨又甜蜜，諗起大家一齊喺廚房炮製晚餐嘅場面，真係窩心死人喇！」
值得細味
老實講，小弟一直都覺得男人真係要學煮飯，事關現時嘅女仔真係身嬌肉貴，要佢哋入廚房煮飯，又怕整親手腳，又怕油煙影響皮膚，咁勞氣，不如自己入廚房煮仲好。起碼保證唔會食壞自己！呢個時候，Lily嘅好姊妹可芯表示：「咁又唔好講到咁慘，其實我哋女仔都係為咗班男人好咋！」只係識蹺埋雙手等食飯都算係為我哋好？
可芯繼續話：「正所謂女為悅己者容，我哋唔願入廚房都係為咗唔想做黃面婆，影響我哋喺男士心目中嘅美麗形象，咁唔係為咗你哋又為咗邊個呀？仲有呀，我哋女仔家陣雖然矜貴，但係都唔會將男人當工人咁使，見到佢哋煮到身水身汗，我哋都會好珍惜佢哋嘅努力，一定會細細品味其傑作㗎！好似我以前個男友咁，煮飯雖然唔算好味，但係我食落就覺得一流，因為多咗一份心意同感情吖嘛！食完之後，我總會覺得渾身火燙，所以會即刻捉住佢接吻，大家互相細味一下菜式於味蕾留下嘅味道，一諗起，條脷都有啲痕痕地添！」
手藝非凡
所謂情人眼裏出西施，如果有個靚女肯為你煮飯，就算幾咁難食，你都會覺得好味道啦！幸好，小弟同女友大家都識得煮飯，手藝亦唔差，所以煮出嚟嘅菜式一向都味道可口，大家都叫做有餐安樂茶飯食吓！
Lily又話：「廚藝好嘅男仔雙手一定好靈活，做你女友一定好爽喇！」有關係咩？Lily話：「煮得一手好菜嘅男仔，因為平時要切菜斬肉，仲要拎得起廚食器具，雙手必定雄渾有力，體能同樣唔差得去邊，上到床，佢哋一定可以大展雄風，發揮出雄猛嘅力度將女方充分滿足。另一方面，落廚嘅時候亦需要男仔運用手指，例如醃肉、包雲吞、搓麵粉等等，都可以訓練到手指靈活度增加，指力亦會增強，如果佢哋從加藤鷹身上學到多少指功，配合起上嚟，一定可以令女方欲仙欲死啦！咁樣仲唔爽咩？」聽落小弟我都要勤啲落廚，訓練一下自己先得啦！
可芯小檔案
年齡：23
三圍：34、23、34
興趣：煮飯
Lily小檔案
年齡：22
三圍：34、22、33
興趣：睇食經
撰文：賢
攝影：強