狗隻一般都有護主心態，只要有人行經主人門口，輕則發出低吼聲，重則不停大聲吠，意圖嚇退外人。然而，大家唔好睇身形細小嘅細狗仔冇攻擊性喎！因為佢哋嘅攻擊速度快捷，仲相當陰濕添！
旺財睇落係一隻又瘦又弱嘅狗仔，睇佢眼矇矇，頭耷耷咁，唔知仲以為佢重病在身添！真係唔明白佢主人豪仔點解仲會帶佢出街獻醜！
呢頭以為旺財冇用，轉頭佢就表現身價，飛身一躍顯示出旺財彈跳力驚人，一出手就向敵人最脆弱嘅地方攻擊，夠晒陰濕亦眼光獨到！
中招者痛到連手上一支啤酒都掉開，剛好就拋到去旺財嘅主人手上！痛擊敵人大演身價之餘，仲為主人帶嚟免費啤酒，旺財真係勁呀！
賢