早幾年前，好多女仔都鍾意以Lolita扮相去取悅人，雖然話呢種裝扮已經興咗好多年，但係今時今日仍有唔少女仔都愛扮。就以夜總會為例，呢種咁嘅裝扮仍成為唔少小姐主要嘅服飾之一，今日刮王想講嘅並唔係呢種服飾，而係想講近日當地夜場小姐嘅質素真係提升唔少。
事緣早年前，每次去到夜場見到呢一類小姐嘅打扮，都係以上咗三十歲嘅小姐為主，大家試諗諗，過咗三十歲仲喺度扮Cute，真係睇見都想嘔。但係你估夜場經理唔知咩？只不過係無辦法，因為早前後生女唔多。
但係近呢半年又唔同，因為多咗好多生力軍加入呢行，當中當然有部分係寫字樓失業大軍之一，亦有唔少係剛讀完書出嚟，但係又搵唔到工做，所以就要做小姐頂住先，所以呢批女仔大部分都係非常之年輕，近日刮王去過一間夜總會，見到入面嘅小姐又着上Lolita嘅服飾，感覺並無反感，理由好簡單，因為呢班女仔都係好鬼後生，就算係扮Cute都無問題，而且見佢哋好多都幾斯文，細問之下先知道，原來當中有好多都係剛讀完書加入呢行，咁其實扮唔扮Lolita都咁可愛啦！
刮王