一舉兩得

對不少玩家嚟講，人妻向來別有一番吸引力。除咗因為受到「隔籬飯香」嘅心態影響，而偷食嘅滋味更係引人入勝，故此日本不少風俗店，都以人妻作為賣點，從而吸引好此道嘅玩家光臨。不過喺大阪嘅梅田駅附近，就有一間與別不同嘅人妻風俗店。呢間風俗店特別之處，在於佢哋嘅風俗娘，全部係如假包換嘅人妻！

據呢間創辦冇耐嘅風俗店負責人明智太太表示：「一般嘅人妻風俗店嘅人妻，目的係為錢而出嚟做，好少學似我哋嘅風俗娘，咁認真及樂在其中！」原來呢間風俗店內嘅風俗娘，每個都係正宗人妻，佢哋拋個身出嚟嘅原因，只係為咗滿足空虛嘅心靈同肉體，故此服務嘅時候，自然比其他人用心同認真。

明智太太解釋：「當初我哋之所以有咁嘅諗法，係因為我哋班姊妹中，有人嘅老公長居海外，亦有老公喺外面有第二個女人。面對空虛同經濟問題，我哋便萌出搞風俗店嘅念頭，既可以填補我哋空虛嘅心靈同肉體，又可以賺錢，可謂一舉兩得。」

親力親為

由於呢間風俗店清一色由人妻包辦，喺開業初期面對不少困難，譬如申請風俗業牌照、選址、薪酬計算、價格釐定，甚至服務內容等，都要班人妻親力親為。為咗能夠打響名堂，呢班人妻除咗要招呼客人外，仲要策劃宣傳工作，讓男士們知道佢哋風俗店存在。為此，佢哋有人學攝影，將姊妹們嘅相放喺網站中，製宣傳單張、搞網頁等，絕非一般風俗娘咁簡單！

雖然工作辛苦，但都及唔上招呼客人困難。事關客人嚟自五湖四海，乜嘢要求及玩法都有，面對一啲要求過火嘅客人，點樣可以拒絕對方嘅要求同時，又唔會得罪對方，對呢班人妻嚟講，確係一大挑戰！

為咗讓姊妹們能夠做得開心，人妻們便諗咗一個辦法，就係佢哋有權揀選客人。每當有客人嚟到，眾人可以透過電視屏幕，睇吓邊個姊妹對佢有興趣，然後告之大堂負責人。當負責人集齊有興趣人妻嘅名單後，便會拎去畀客人挑選。據明智太太解釋，呢個做法可讓只求得到生理滿足，及單純為咗賺錢嘅人妻之間得到平衡，減少服務過程中嘅投訴。

服務到位

曾經去過呢間風俗店嘅玩家宮崎先生就話：「其實呢間風俗店嘅服務，同一般嘅風俗店並無大分別，如果想有親密接觸嘅話，玩家可以同風俗娘到附近嘅酒店曳曳，如果係熟客嘅話，甚至可以叫風俗娘上去客人嘅屋企短聚。」既然係咁，唔知有乜地方吸引到客人呢？宮崎先生笑道：「講到最吸引我嘅地方，就係佢哋親切嘅服務態度。皆因佢哋同一般所謂人妻風俗娘有極大嘅分別，服務完後唔會急住走人，反而會同你閒話家常，畀到我一份親切嘅感覺。」

呢間由人妻主理嘅風俗店吸引之處，除咗親切及到位嘅服務外，收費亦甚相宜，45分鐘嘅服務，收費9,500日圓，折合約為760港元，就算最貴嘅人氣人妻，亦只不過13,500日圓，約為1,080港元，難怪吸引不少熱愛人妻嘅男士慕名而至。

撰文：阿豪