01/07/2009

播放本新聞相關短片

奇趣短片:鋼管舞教室

以前如果話畀人聽學鋼管舞嘅話,肯定會被人投以奇異嘅目光。不過時至今日,鋼管舞已經成為普羅大眾嘅健身運動之一,就連部分地方嘅家政堂,都將鋼管舞列入教授課程呢!

一班靚女喺度上家政堂。只見佢哋每個人都年輕貌美,衣着性感非常,連教家政嘅老師都同樣索到爆燈,名副其實嘅美女廚房!

老師一聲令下,眾靚女從廚櫃中拎咗條鋼管出嚟,然後圍住鋼管係咁轉圈。將鋼管舞例入家政堂授課內容中,又真係幾另類喎!

一眾靚女舞姿極為性感,如果有男人睇到,肯定會興奮到飛起!其實呢啲不過係幻想而已,現實中又邊有家政堂教跳鋼管舞呢?

撰文:阿豪