呢啲北上團對唔熟內地夜場嘅玩家嚟講，無疑甚具吸引力。事關有熟人帶路，並安排好玩樂嘅路線及節目，最重要就係佢哋經驗豐富，萬一出現問題時，都有人幫你拆解，玩起嚟自然放心得多，尤其係對唔想單嫖獨賭又約唔到志同道合嘅玩家嚟講，確實相當吸引。縱然大家知道搞手會喺中間食差價，但只係差嗰一百幾十，亦冇乜所謂。

話雖如此，但如果食得過分嘅話，卻好易惹嚟團友嘅投訴。好似老友阿輝最近參加咗一個東莞團：「團費六百人仔，當中包括卡拉OK酒水同酒店房租，睇起嚟都尚算合理。點知我哋去到後，卻發現卡拉OK小姐質素差，飲嘅只得啤酒同紅酒，威士忌都冇得我哋嗌。酒店房更係離譜，環境差又有公安查房。六百人仔換嚟咁嘅質素，食水未免太深！」

老實說，二百蚊房租加四百酒水，帳面計其實又唔算貴，質素差唔差又真係見仁見智。不過搞咁大個團，K場按道理會有折扣，而相對其他北上東莞團差唔多平一半嘅情況下，又難免會惹嚟團友們嘅質疑。相信呢位搞手就算唔係存心詐財，就肯定係經驗不足。

阿豪