回家當犯審

呢兩個靚女，一位係26歲嘅麗潔羅琳（Nikki Loren）同埋只得20歲嘅麗潔安娜（Nikki Anne），點解佢哋都咁怕男人呢？羅琳話：「我哋唔係怕啲男人，男人有乜嘢好怕喎，只係覺得啲男人有時真係好煩，成日問長問短，每次見面都一定會審犯咁審。」

問多兩句都係關心你啫？羅琳話：「我明白，例如我初戀男友，佢成日都問我去邊，我一日去咁多地方，點記得喎，於是咪是但講兩三處地方囉，點知佢又不滿意，再問同邊啲人一齊，我就算講晒啲名出嚟，佢都係唔開心嘅，你話幾難服侍呀！」

你咁靚女，做你男朋友當然擔心啦？羅琳話：「咁你擔心咪擔心囉，你唔好煩住我吖，有時我真係唔記得咁多，於是有時出去咪叫埋佢囉，點知佢成日就好似玄壇咁樣，一啲笑容都冇，嬲咗成村人咁樣，佢一個人搞到所有人都唔開心。」

猖狂約開房

咁最後點呀？羅琳話：「於是咪分手囉！之後識幾個男仔都係咁樣，於是索性唔識男友，冇人管住，不知玩得幾咁開心。」夜晚瞓覺冇個伴，唔會瞓唔着咩？羅琳話：「都會㗎！但目前我嚮往自由多啲，等我玩到夠至再諗呢個問題啦。」

至於另一個麗潔安娜（Nikki Anne），佢又點解認為男人好煩呢？安娜話：「啲男人好衰㗎，走埋嚟同你做朋友，原來就係想同你上床。」啲人咁大膽？安娜話：「朋友聚會最多，熟嘅朋友就唔會點，但啲新嘅朋友，聚會一完就爭住約我去開房。」

咁你點樣對付佢哋呀？安娜話：「我通常都係話男朋友已經喺屋企等緊我，通常有九成人會知難而退，但亦有人繼續糾纏，追問我男朋友幾時唔喺屋企，就可以搵佢補上。」安娜話自己都習以為常，呢啲情況就算喺街都會發生。

靚仔冇所謂

安娜話：「我真係去邊到都惹到呢啲事，例如有次買電器，個老闆鬼咁好相與，仲話免費送貨兼包安裝，點知佢親自嚟到，安裝好後就撩我上床，咁啱我要拍戲，工作人員嚟我屋企接我，我先至推得甩。」咁有冇啲推唔甩嘅情況呀？

安娜笑說：「一般情況我都推得甩嘅，除非……對方好靚仔啦！但真係好煩㗎，其實男人除咗上床，唔會諗其他嘢咩？」男人係會諗正經嘢嘅，只不過安娜咁靚女，幾難唔令人想起歪念喎！

最後安娜話：「公司曾經替我請過保安，陪我出入，但後來公司同事聽到個保安話好想同我上床，嚇到立即炒咗佢，你話係咪見到男人都覺得煩吖！」

麗潔羅琳（Nikki Loren） 小檔案

年齡：26歲

身高：5呎6吋

三圍：34C、26、36

興趣：夜蒲

麗潔安娜（Nikki Anne）小檔案

年齡：20歲

身高：5呎8吋

三圍：36C、26、35

興趣：睇書

撰文：小德