肥明話：「打風即係嚴打，而嚴打嘅目的大部分都係針對夜場，例如桑拿、夜總會、髮廊等等。不過，事實上嚴打嘅範疇並唔係咁單一，因為當局眼中仲有好多影響社會嘅罪行，例如搶劫、賭博等，因此就算收到風話內地打風，大家其實都唔需要咁緊張。不過，一旦確認打風係針對黃色事業就一定要小心喇！好似2006年嘅一次，就足足打咗半年時間，搞到三沙一水變到好似死城一樣，不論係夜總會、桑拿都水盡鵝飛。」

肥明解釋，當時有關部門有新局長上任，所謂新官上任三把火，面對當地咁猖獗嘅黃色事業，新局長當然要即刻加大力度打擊啦！

「所以，當時真係搞到風聲鶴唳，傳聞仲有唔少港人被當場捉住添！而最近，有消息聲稱深圳及常平一帶又有風要打，打風嘅原因則係豬流感，因為當局要力保國內唔會有大型爆發，所以致力減少人與人親密接觸，黃色事業嘅小姐半點朱辱萬客嘗，容易令豬流感經人傳人廣泛傳播，因此就成為打擊對象。所以，我都為咗健康以及人身安全取消所有北上消費玩樂，亦勸大家暫時忍一忍，千祈唔好貪一時之快喇！」肥明道。

賢