而原來喺AV片種中，一樣有科幻特技片種，佢哋全部統稱為「特撮」片，故事都係以保護世界為主，但主角全部都係女性，佢哋平時都係普通美少女一名，但只要壞人出現，佢哋就會義不容辭，馬上變身為女超人，與壞人展開連場大戰。

但係佢哋啲大戰，就會好唔同，一般嘅超人會用拳頭力戰怪獸，但呢班女超人就會用枕頭，以佢哋嘅美色嚟對付怪物，等到啲怪物搞到腳軟冇晒氣力，女超人至慢慢咁收拾佢哋。至於特技場面，都有少少，就係變身嗰幕，一定唔少得。

至於打鬥場面都有嘅，不過真係得啖笑，睇見啲女超人雞手鴨腳，打唔夠幾招就畀壞人制服，除咗笑都唔知有乜反應好，至於爆炸場面，一樣有埋，但就係用電腦畫出嚟嗰隻，整體嚟講都算唔錯，起碼有故事性，而且動作搞笑，值得欣賞。

小德