宮地真緒近年喺電視界發展表現不俗，最近推出新劇《利己主義者》，為咗幫助宣傳攻勢，經理人公司於是喺今個月5號，乘勢推出佢嘅寫真集，名為《S/M Mao Miyaji》，據講反應唔錯，好多佢嘅Fans同埋寫真迷都爭相搶購。
今年25歲嘅宮地，年輕時身材真係冇得彈，有成5呎6吋高，上圍更達34吋，所以當年成為唔少人嘅性感偶像，記得佢16歲嗰年推出第一本寫真集，一推出就賣個滿堂紅，人氣爆晒標，之後拍多一兩本後，就決心向影視圈發展，一直再冇出過。
事隔將近十年，佢再次拍攝寫真，宮地搵嚟寫真大師沢渡朔做攝影師，全權由佢負責，由於宮地近年做咗電視台姐仔，而且人又成熟咗咁多，唔會再玩年輕妹妹嘅性感路線，於是今次呢本寫真，改為走高檔藝術唯美，絕對值得推介畀大家。
產品：《S/M Mao Miyaji》
女優：宮地真緒
售價：2,625日圓（約208港元）
小德