今晚打水圍

成日聽人講「塘西」，原來有人連塘西係時代還是地方都未搞得清，其實塘西是指當時屈地街煤氣公司的煤氣鼓，和「火井」以西的皇后大道西以及德輔道西尾，以及由石塘南里至海旁（干諾道西）一段山道，亦包括和合街、日富里及堅尼地城海旁。在這一帶，大中小妓寨、俱樂部、八音館林立，全盛時期有大小妓寨五十多家，妓女多達三千人。

家陣蒲友去玩會話沖涼揼骨跳舞，但原來以前嘅玩家就有「文化」得多，好似去玩就會話打水圍，幾有深度，非行內人又點會明呢！不如就等中×城夜總會PR靚女Lily話你知啦！

「哈，其實我都係啱啱至知，喺二、三十年代嘅香港，當時有錢嘅客人好講面子，去玩前一定會喺酒樓大排筵席，而每位男士身後必有一位『阿姑』（囡囡），因為咁至顯得『架勢』，飲飽食醉散席後就由酒樓坐人力車返妓寨，入囡囡房間內『打水圍』，即係傾計、飲酒同摸摸搓搓！若然人客想有進一步『舉動』，就要睇佢財力喇！」嘩，連PR都深知塘西文化，真係唔講得少，Lily仲話：「我唔只清楚，仲好欣賞添，事關當年嘅人客，非常注重同囡囡溝通過程，唔似得依家啲後生一輩，鹹濕又性急，係時候同前輩學習吓點樣『打水圍』啦！」哦，仲以為快嚟快去對PR仲實際，原來佢哋都鍾意「打水圍」嘅！

紅牌阿姑

了解完當年嘅玩法，係時候講吓啲囡囡點區分，澳門×龍夜總會PR六月就話最清楚，事關佢覺得自己同「紅牌阿姑」一樣咁正喎！

六月解釋：「當然啦！以我嘅條件，假如喺當年出生，一定係大寨最高級『三六寨』內紅牌阿姑，事關寨內嘅囡囡，統統美貌與智慧並重，床上功夫仲好了得添！若然質素差少少嘅就會落入『二四寨』，消費只係三六寨嘅一半，最差嗰啲囡囡至會喺屋企工作。」犀利，六月妹對妓寨果然瞭如指掌。「唔好誇獎我，作為PR好應該了解一下風月史，否則客人講起啲術語，我哋唔知就好尷尬。試過有位叔叔話我係『牛白腩』，起初我以為佢踩我人又老皮膚又韌而嫌棄我，令我坐枱都冇心機，事後佢至對我解釋，『牛白腩」意思係要『煲』咁解，即係話我係非一般PR，要經過慢慢深入溝通，令佢好有初戀感覺喎！」明白晒，不過「牛白腩」亦指囡囡要狠狠刮客人一筆，唔知你係咪呢？

復古衣着

原來所有PR對塘西風月史都做足功課，想考佢哋都唔得，不過了解唔代表做得好，未知今次呢班PR又諗住點迎合呢個活動呢？×龍夜總會PR小莉就笑笑口話：「要迎合主題，第一樣當然要人客有當時嘅感覺啦！雖然呢一輩嘅玩家都未曾試過塘西玩法，但我哋會盡量配合，例如衣着服飾，坐姿同談吐禮儀都要同平時唔同！」咁即係點呀？小莉就話暫時賣個關子，免得講晒出嚟大家冇驚喜，但佢好肯定話，人客入嚟玩，一定唔會變「乾煎石斑」喎！「乾煎石斑」點解？即係畀囡囡放飛機，無啖好食喎！

六月 Profile：

年齡：20歲

三圍：34、24、34

身高：5呎4吋

小莉 Profile：

年齡：19歲

三圍：34、24、34

身高：5呎3吋

撰文：祖

攝影：Ben