女星派對

好多人以為四仔女星嘅工作只係瞓喺床度，又唔使講求演技，應該冇乜壓力至係。不過前四仔女星法蘭絲卡（Fanziska Shy）卻不認同，佢表示：「四仔女星嘅工作，並非如一般人所想咁簡單，事關我哋喺拍攝前，先要睇劇本，知道自己要演出嘅內容，然後同男優及導演商討，睇吓鏡頭喺邊及應該做乜嘢動作，先至可以讓拍攝工作順利。此外，我哋仲要進行宣傳活動、拍攝寫真及美容，更要面對來自各方嘅工作壓力，有時忙到一日瞓得兩三個鐘。」

深明四仔女星苦況嘅法蘭絲卡，便喺每個月嘅最後一個星期日，舉辦一個名為「梳肝星期天」嘅派對，讓四仔女星們能夠喺呢日放鬆精神，重拾生活嘅樂趣。

溝仔集會

一個專門為四仔女星而設嘅派對，究竟有乜嘢玩呢？原來呢個派對嘅特色，就係以泳衣及陽光為主題，每次舉辦派對時，例必挑選喺私人泳池及泳灘舉辦，有時更會乘搭私人遊艇出海添！

參加呢個派對嘅玩家，每個都係身材玲瓏浮凸嘅四仔女星，着上性感無比嘅泳衣，梗係相當有睇頭。事實上，呢個派對除咗吸引四仔女星參加外，更讓不少猛男大感興趣。除咗可以讓四仔女星玩得更加盡興外，大會當然亦希望透過呢個機會，為四仔女星提供𠝹仔嘅機會。

唔好以為四仔女星平日見得壯男多，就以為佢哋身邊不乏追求者。情況恰好相反，據法蘭絲卡透露，原來四仔女星同男優之間，私底下好少發生感情，加上佢哋工作忙碌關係，想識男仔都冇時間。故此，大會便趁住呢個機會，等一班芳心寂寞嘅女星能夠覓得心儀男士。

盡情享樂

有曾經參加過呢個派對嘅四仔女星珊迪（Sandy Rossi）笑道：「平時工作非常忙碌，喺同係四仔女星嘅老友介紹下，我就去咗呢個派對。見到在場嘅女性個個都係四仔女星，不但同聲同氣，更係玩得盡情。須知道我哋四仔女星，平日好少聚埋玩，而呢個派對就畀咗我哋呢個機會之餘，仲可以乘機收吓風，睇吓依家四仔界嘅動向。」

除咗同聲同氣外，最讓珊迪興奮嘅，莫過於派對上嘅猛男。佢就話：「派對內有好多猛男，佢哋不但身材健碩，而且仲非常靚仔，最重要就係當中不乏中產、上流人士，最啱我哋呢啲想釣金龜嘅四仔女星。當日我就遇到個曲髮型男，佢不但非常有禮貌，仲好玩得，同我一齊玩水之餘，態度仲好體貼，意亂情迷之下，更同佢打番場友誼波。咁梳肝嘅星期日，真係好想每個月都去！」話說回來，派對內嘅男性玩家，都經過法蘭絲卡嘅嚴格挑選，如果冇一定條件及財力嘅話，絕無機會入場同一眾四仔女星戲水。

撰文：阿豪