第5 位：小心病從口入
女優佐山愛話：「一定要少食煎炸油膩同埋寒涼生冷嘅食物。」而雨宮琴音就話：「多食一啲水果，少食一啲肉類，仲要每餐唔可以食得太飽，每餐之後唔好坐定定，最好出去散散步。」聽落點解咁似啲中醫師嘅講法嘅？但好多女優都認為有效，大家不妨試試。
第4 位：勤洗手戴口罩
小澤瑪麗亞講：「我覺得洗手同戴口罩，係最好嘅防疫措施，我每日洗手，起碼有十幾次以上，特別係出街之後或者進食之前，怕病從口入嘛！至於仲有冇乜嘢其他方法，我真係唔識，所以奉勸大家，記住勤啲洗手。」同樣贊成洗手防疫嘅村上里沙，就建議：「最緊要洗完手，就搽番啲護手膏，咁就唔會咁易有皮膚病㗎啦。」
第3 位：運動保健康
至於第三位，就係多做運動，吉川莉奈就話：「每個人只要保持身體健康，就唔怕流感纏身啦！」而亞紗美都同意：「我每日都會去做運動，保持身體健康，但據我嘅教練講，所謂做運動唔一定係跑步、游水、做Gym等呢啲咁劇烈嘅形式，有時散步或者做吓早操一樣可以，只要做到身體開始發熱冒汗，就算係做咗運動㗎啦！」原來係咁，咁大家真係要認真做吓運動至得。
第2 位：接觸大自然
好簡單，要多啲去郊外散步。據提供意見嘅石川鈴華講：「傳染病大多數集中喺人多車多嘅大城巿，所以防疫最好嘅方法，就係去郊外旅行散吓心，我每個月都去幾次郊外㗎。」另一位支持去郊外接觸大自然嘅就係穗花，佢話：「就算冇流感，我都覺得城巿嘅空氣好污濁，所以我一有假期，就會去郊外玩吓，如果有朋友屋企喺農村嘅，我一定拉埋佢返去，一來有個伴，二來可以有免費食宿嘛！」咁識諗，抵你做AV一姐嘅。
第1 位：浸溫泉醫百病
至於萬眾期待嘅第一位，都係要去郊外嘅地方，但花費就貴好多，冇錯，就係日本人認為能醫百病嘅浸溫泉！據吉崎直緒講：「我覺得日本人無論有乜嘢病都好，只要去浸一浸溫泉都會好番，何況係少少嘅流感呢？」
但醫生話發緊燒唔可以浸搵泉㗎？贊成浸溫泉嘅麻美由真就話：「家陣講緊防疫嘛，有病梗係去睇醫生啦，冇病就梗係嚟浸溫泉，浸一浸舒筋活絡，浸一浸百病全消，浸一浸……」睇見佢哋咁開心，睇嚟今次疫情，對佢哋一啲都冇影響，希望疫情快啲過，Fans們仲要等睇佢哋嘅最新AV㗎！
撰文：小德