好多人都會一家大細去度假，但所謂度假，人人都有不同定義，就好似以下介紹嘅短片，主角一家三口去度假，太太對陽光與海灘感覺非常滿意，但老公同仔仔就悶到發慌，最後佢哋點樣打發時間呢？
珍妮一家三口去度假，老公諗住飛去享受人生，囝囝諗住去遊樂場，點知嚟到酒店，只得陽光與海灘，其他一概欠奉。
珍妮就最開心，第一時間享受日光浴，但父子倆就悶到發慌，於是趁珍妮瞓着，用太陽油整蠱佢，喺佢塊面加上鬍鬚。
兩仔爺無所事事悶成咁，只可以咁樣嚟自得其樂，睇落佢哋都幾可憐，早知下次帶埋部遊戲機嚟度假，咪唔使咁悶囉！
小德